އިނގިރޭސި ބަހުން އެކޮޅުކޮޅުން ފަރިތަކޮށް ވާހަކަދައްކާ ކުއްޖެއް
17 ނޮވެމްބަރ 2013 22:43
އިނގިރޭސި ބަހުން އެކޮޅުކޮޅަށް ވާހަކަ ދެއްކުމުގެ ހުނަރު އުމުރުން އެންމެ 10 އަހަރުގެ ކުއްޖަކު ހޯދައިފިއެވެ. މިހުނަރު ހޯދާފައިވަނީ ސްކޮޓްލޭންޑްގެ ފިރިހެން ކުއްޖެއް ކަމަށްވާ ކެމަރަން ބިސެޓެވެ.
އާންމުކޮށް މީހުން އިނގިރޭސިބަހުން ވާހަކަ ދައްކާހާ ފަސޭހަކަމާއެކު އެބަސް އެކޮޅުކޮޅުން ޖަހައިގެން މިކުއްޖާ ވާހަކަ ދައްކައެވެ. ކެމަރަންގެ މައިންބަފައިންވަނީ ސޯޝަލް މީޑިއާއެއް ކަމުގައިވާ ޔޫޓިއުބްގައި އޭނާގެ މި ހުނަރުތައް ދައްކާލާ ވީޑިއޯއެއް އަޕްލޯޑްކޮށްފައެވެ.
މިހާތަނަށް މިލިޔަނަކަށްވުރެ ގިނަ މީހުން ބަލާފައިވާ މި ވީޑިއޯކޮޅުގައި ކެމަރަން އިނގިރޭސިބަހުން އެކޮޅުކޮޅުން އޭނާގެ އަމިއްލަ ތަޢާރަފެއް ދެއެވެ.އައިޕެޑެއްގެ އެހީގައި އޭނާގެ އާދަޔާ ޚިލާފު މި ވާހަކަތައް ތަރުޖަމާކުރަމުން ދިޔައިރު އޭނާ ކިޔާފައިވާ ބައެއް ޖުމްލަތަކުގެ ތެރޭގައި " އަހަރެން މިއަދު ބައިސިކަލުގައި ބޭރުގައި ކުޅުނީމެވެ." ، " ޗުއްޓީއަށް އަހަރެން ކެނެޑާއަށް ދަނީއެވެ." އަދި "އަހަރެން އެނދުން ވެއްޓި ބޯޖެހުނީއެވެ."
ކިޔުންތެރިންގެ ހިޔާލު