މާބަނޑު އަންހެނަކު އަނބުރައިގެން ވެއްޓެނިކޮށް އޮބާމާ ސަލާމަތްކޮށްފި
24 އޮކްޓޯބަރ 2013 19:16
އެމެރިކާގެ ރައީސް ބަރަކް އޮބާމާ ވާހަކަ ދައްކަވަމުން ވަޑައިގަންނަވަނިކޮށް އެތަނުގައި ހުރި ބަނޑުބޮޑު އަންހެނަކު އަނބުރައިގަނެގެން ވެއްޓެން އުޅެނިކޮށް އޮބާމާ އެއަންހެން މީހާ ސަލާމަތް ކުރައްވައިފިއެވެ.
ބޭރުގެ ޚަބަރުފަތުރާ ވަސީލަތްތަކުން ހާމަކޮށްފައިވާގޮތުގައި، އޮބާމާ ފައްޓަވާފައިވާ އެމެރިކާގެ ޞިއްޙީ ޚިދުމަތުގެ އިޞްލާޙީ މަސައްކަތުގެ ވާހަދައްކަވަމުން ދަނިކޮށް އޮބާމާގެ ފަހަތުގައި ހުރި ބަނޑުބޮޑު އަންހެން މީހާ އަނބުރައިގަނެގެން އުޅޭކަން އޮބާމާއަށް އެނގިވަޑައިގަތުމުން އޮބާމާ ވަނީ ވާހަކަ މެދުކަނޑުއްވާލައްވާފައި އެއަންހެން މީހާ ވެއްޓުމުގެ ކުރިން އޭނާގައިގައި ހިއްޕަވައި އޭނާ ސަލާމަތްކޮށްދެއްވިއެވެ.
"އޯކޭވާނެ. އަހަރެން މިހިރީ،" ކަރމެލް އެލިސަން ސަލާމަތް ކުރެއްވުމަށްފަހު އޮބާމާ ވިދާޅުވިއެވެ.
އެލިސަން ބިއްމައްޗަށް ވެއްޓުމުގެ ކުރިން އޭނާ ސަލާމަތް ކުރެއްވުމަށްފަހު ސަމާސާ ކޮށްލެއްވުމުގެ ގޮތުން އޮބާމާ ވިދާޅުވިގޮތުގައި މިފަދަ ހާދިސާތައް ދިމާވާނީ މާބޮޑަށް ވާހަކަ ދިގުކުރެއްވުމުންނެވެ.
ނިއުޔޯރކް ޑެއިލީ ނިއުސްއިން ހާމަކޮށްފައިވާގޮތުގައި އެލިސަން އަކީ ހަކުރުބަލީގެ ވައްތަރެއް ކަމުގައިވާ ޓައިޕް 1 ޑައެބެޓިސް ތަހައްމަލު ކުރަމުންދާ މީހެކެވެ.
"އަޅުގަނޑު މިހާރު އޯކޭ، ކުޑައިކޮށް ބޯއެނބުރީ. އަޅުގަނޑު ބިއްމައްޗަށް ވެއްޓުމުގެ ކުރިން ސަލާމަތްކުރެއްވިތީ ބަރަކް އޮބާމާއަށް ވަރަށް ބޮޑަށް ޝުކުރިއްޔާ،" އެލިސަން ޓްވީޓްކޮށްފައިވެއެވެ.
ކިޔުންތެރިންގެ ހިޔާލު