ޖަސްޓިން ބީބަރއާ ވައްތަރުވާން ވެގެން ޒުވާނަކު 100000 ޑޮލަރުގެ ޕްލާސްޓިކް ސަރޖަރީތަކެއް ހަދައިފި
20 އޮކްޓޯބަރ 2013 23:37
ކެނެޑާގެ ޕޮޕް ލަވަކިޔުންތެރިޔާ ޖަސްޓިން ބީބަރއާ ވައްތަރުވާންވެގެން އޭނާއަށް ތާޢިދުކުރާ އިނގިރޭސިވިލާތުގެ ޒުވާނަކު 100000 އެމެރިކާ ޑޮލަރުގެ އަގުބޮޑު ސަރޖަރީ ތަކެއް ހަދައިފިއެވެ.
33 އަހަރުގެ ޓޯބީ ޝެލްޑަން ނަމަކަށް ކިޔާ މިޒުވާނާ 19 އަހަރުގެ ޖަސްޓިން ބީބަރއާ ވައްތަރު ވާންވެގެން ހަދާފައިވާ އަގުބޮޑު އޮޕަރޭޝަންތައް ހަދާފައިވަނީ 5 އަހަރުގެ ތެރޭގައި އެކި ފަހަރު މަތިންނެވެ.
5 އަހަރު ތެރޭ ޖަސްޓިން ބީބަރ އަށް އަންނަ ކޮންމެ ބަދަލެއް ލަވަ ލިޔުމުގެ ފަންނުގައި ކުރިއަށްދާ ޓޯބީ ޝެލްޑަން ވަނީ އޭނާގެ މޫނަށާއި އިސްތަށިގަނޑަށް ގެނެސްފައެވެ.
ބޮޓޮކްސް އިންޖެކްޝަނާއި، އިސްތަށި ޖެހުމުގެ އިތުރުން ޓޯބީ ވަނީ އޭނާގެ ހިނިތުންވުން ޖަސްޓިން ބީބަރގެ ހިނިތުންވުމާއި ވައްތަރު ކުރުމަށްވެސް ގިނަ އޮޕަރޭޝަންތަކެއް ކޮށްފައެވެ.
"ޙަޤީޤަތުގައި ޖަސްޓިންގެ ހިނިތުންވުމަކީ އެއީ އޭނާއަށް އޭނާގެ ޒުވާންކަން ގެނެސްދޭކަމަކީ. އެހެންވެ އަހަރެން އަހަރެންގެ މަތީ ތުންފަތް ތަންކޮޅެއް މައްޗަށް އަރުވައި އަހަރެންގެ ތިރީ ތުންފަތް ތަންކޮޅެއް ބޭރަށް ވާގޮތަށް ހެދުމަށް އޮޕަރޭޝަންތަކެއް ކުރިން،" ކްލޯޒަރ ނަމަކަށް ކިޔާ ނޫހަކަށް ޓޯބީ މަޢުލޫމާތު ދިނެވެ.
ކިޔުންތެރިންގެ ހިޔާލު