ޕައިލެޓް ބަލިވުމުގެ ސަބަބުން މަތިންދާބޯޓު ޖައްސަން ފަސިންޖަރަށް ޖެހިއްޖެ
16 އޮކްޓޯބަރ 2013 20:24
މަތިންދާ ބޯޓު އުދެހެމުން ދަނިކޮށް ކުއްލިއަކަށް ޕައިލެޓް ބަލިވުމުން، މަތިންދާބޯޓު ދުއްވުމުގެ ތަޖްރިބާ ނެތް މީހަކަށް އެއަރޕޯޓުގައި ބޯޓު ޖައްސައިފި ކަމަށް އިނގިރޭސިވިލާތުގެ އެއަރޕޯޓަކުން މަޢުލޫމާތު ދީފިއެވެ.
އިނގިރޭސިވިލާތުގެ އުތުރުގައި އޮންނަ ސޭންޑްޓޮފްޓް އެއަރޕޯޓަށް ދަތުރުކުރަމުން ދިޔަ ސެސްނަރ މަރުކާގެ 172 މަތިންދާބޯޓުގެ ޕައިލެޓް މާބޮޑަށް ހާލުދެރަވުމުގެ ސަބަބުން މަތިންދާބޯޓު ޖައްސަން އެބޯޓުގެ ފަސިންޖަރަށް އެހީތެރިވެދީފައިވަނީ އެއަރޕޯޓު ޓަވަރުގައި މަސައްކަތް ކުރަމުން ދިޔަ ރޯއީމުރޭ ކިޔާ މީހެކެވެ.
އެއަރޕޯޓުގެ ޓަވަރުން ރޯއި މުރޭ ވަނީ މަތިންދާބޯޓު ޖައްސަން ކަންތައް ކުރަންވީ ގޮތުގެ އިރުޝާދު ސެޓު މެދުވެރިކޮށް ޖޯން ނަމަކަށް ފަސިންޖަރަށް ކިޔައިދީފައެވެ.
މަތިންދާބޯޓުގެ މިސްރާބުވަނީ ހަމްބަރސައިޑް އެއަރޕޯޓަށް ބަދަލުކޮށް އެއެއަރޕޯޓުގައި ޖައްސާފައެވެ. ޕައިލެޓްގެ ޙާލުދެރަވުމުގެ ޚަބަރުލިބުމާ އެކު ކޮންޓްރޯލް ޓަވަރުން ޕައިލެޓުން ތަމްރީނުކުރާ އިންސްޓްރަކްޓަރެއް ކަމުގައިވާ މުރޭއަށް ވަގުތުން ގުޅާ ޓަވަރަށް ގެނައެވެ.
"ވިސްނާލައްވާ. އޭރު ހުރީ އިރު އޮއްސި އަނދިރިވެފައި. އެފަސިންޖަރުގެ ނެތް މަތިންދާބޯޓު ދުއްވުމުގެ އެއްވެސް ތަޖުރިބާއެއް. މާނަޔަކީ އޭނާއަކީ މަތިންދާބޯޓު ދުއްވަން އިނގޭ މީހެއް ނޫނޭ. އޭރު ޕައިލެޓްގެ ގޮތްހުސްވެފަ އޮތީ. އޭނާއަކަށް ނެތް ޕައިލެޓްގެ ގޮނޑީގައި އިށީނދެވޭކަށްވެސް. ނަމަވެސް ހެޔޮސަލާމަތުން މަތިންދާބޯޓުވަނީ ޖެއްސިފައި،" އެއަރޕޯޓުގެ ތަރުޖަމާނަކު މީޑިއާއަށް މަޢުލޫމާތު ދިނެވެ.
މަތިންދާބޯޓު ޖެއްސުމުގެ ކުޑައިރުކޮޅެއް ފަހުން ޕައިލެޓްވަނީ މަރުވެފައެވެ.
ކިޔުންތެރިންގެ ހިޔާލު