ފަހާނާ ތަށިގަނޑެއް ގޮވުމުގެ ސަބަބުން އެމެރިކާ މީހަކަށް ސީރިޔަސް އަނިޔާ ތަކެއްވެއްޖެ
15 އޮކްޓޯބަރ 2013 0:03
އެމެރިކާގެ ނިއުޔޯރކް ސިޓީގެ މީހެއްގެ މޫނަށް ފާހާނާ ތަށިގަނޑެއް ގޮވުމުގެ ސަބަބުން އޭނާއަށް ސީރިޔަސް އަނިޔާތަކެއް ވެއްޖެއެވެ.
މައިކަލް ޕިއަރ ނަމަކަށް ކިޔާ މިމީހާގެ މޫނަށް ފާހާނާ ތަށިގަނޑު ގޮވީ ތަށިގަނޑުގެ ފެންޓޭންކުގެ ޕްރެޝަރު ޓެސްޓްކުރަން ފާޚާނާގެ އަތްގަނޑަށް ދަމާލުމުންނެވެ.
ޕިއަރގެ ލޯޔަރު އޭއެފްޕީއަށް މަޢުލޫމާތު ދީފައިވާގޮތުގައި ފާހާނާ ތަށިގަނޑު ގޮވުމުގެ ސަބަބުން ބުރައިގެންދިޔަ މުށިކޮޅުތަކުން ލިބުނު ޒަހަމްތަކުގެ ސަބަބުން ޕިއަރގެ އަތާއި، ފަޔާއި މޫނުގެ 30 ތަނެއް ފަހަން ޖެހުނެވެ.
މިހާދިސާއަށްފަހު 58 އަހަރުގެ ޕިއަރ މީހާރު ފާހާނާ ފްލަޝްކުރުމަށް އަތްގަނޑުދަމަނީ ފާހާނާގެ ބޭރުގައި ދުރުގައިހުރެ ވާގަނޑަކަށް ދަމައިގެންނެވެ.
"އެބިރަކީ ހަމަގައިމުވެސް އޭނާއަށް ލިބުނު ގެއްލުމުގެ ބައެއް. ގައިމުކޮށް އެނގޭކަމަކީ ފާހާނާއަކީ އުސޫލެއްގެ ގޮތުން ފްލަޝްވާންޖެހޭ އެއްޗެއް. އެއީ އެއްގޮތަކަށްވެސް ބޮމެއްހެން ގޮވަންޖެހޭ އެއްޗެއް ނޫން،" ލޯޔަރ ސެންފޯރޑް ރޫބެންސްޓެއިން ހާމަކުރިއެވެ.
ޑެއިލީ ނިއުސްއިން މަޢުލޫމާތު ދީފައިވާގޮތުގައި ފާހާނާގޮވުމުގެ ސަބަބުން އިރުގަނޑަކަށް ޕިއަރ ހޭނެތުނެވެ. އަދި އެނޫހުން ހާމަކޮށްފައިވާ ގޮތުގައި ފާހާނާ ގޮވުމުގެ ހާދިސާތަކަކީ އެމެރިކާގައި މަދުން ނަމަވެސް ހިނގާކަމެކެވެ.
ކިޔުންތެރިންގެ ހިޔާލު