ހައްދުންމަތީ އަތޮޅު ބަށި މުބާރާތް މާދަމާ ފަށާނެ

ހައްދުންމަތީ އަތޮޅު ކައުންސިލް އިން އިންތިޒާމްކޮށް ބާއްވާ ލ. އަތޮޅުގެ ބަށި މުބާރާތް މާދަމާ ފަށާނެއެވެ.

ލ.އަތޮޅު ކައުންސިލްގެ ރައިސް ޔޫސުފް އާމިރު ވިދާޅުވީ މުބާރާތުގައި ޖުމްލަ ތޭރަ ޓީމު ބައިވެރިވާނެކަމަށް އޭނާ ވިދާޅުވިއެވެ. އަދި އެ މުބާރާތުގެ ކުޅުން ލ. ފޮނަދޫ ބަރާސިލް ދަނޑުގައި މާދަމާ ހަވީރު ފަށާނެކަމަށް އާމިރު ވިދާޅުވިއެެވެ

މުބާރާތުގައި ބައިވެރިވެފައިވަނީ ގަމުން ފަސްޓީމާއި، ފުނަދޫ ހަތަރު ޓީމާއި، އެއަތޮޅު ދަބިދޫ، މުންޑޫ ، މާވަށުގެ ޓީމުތައްކަމަށް އޭނާ ވިދާޅުވިއެވެ.

"މިފަދަ މުބާރާތްތަށް ބޭއްވުމުގެ މައިގަނޑު މަގުސަދަކީ ލ.އަތޮޅުގެ ރައްޔަތުންގެ މެދުގައި އެކުވެރިކަށް ބަދަހިކޮށް، ލ.އަތޮޅުން ހުނަރުވެރި އަދި ފަންނުވެރި ކުޅިންތެރިންތަކެއް ގައުމީ ފެންވަރުގައި ނެރުން،" ކަމަށް ކައުންސިލްގެ ރައީސް އާމިރު ވިދާޅުވިއެވެ.

މުބާރާތުގެ ޗެމްޕިއަން ޓީމަކަށް އަތޮޅު ކައުންސިލް އިން ވަނީ ފައިސާގެ އިނާމް އެއް ދޭން ނިންމާފައެވެ.

ނިމިގެންދިޔަ ނޮވެމްބަރ މަހުގައި ވެސް އަތޮޅު ކައުންސިލްއިން ވަނީ ލ.އަތޮޅު ފެންވަރުގެ ފުޓްބޯޅާ މުބާރާތެއް ވެސް ކާމިޔާބް ކަމާއެކު ބާއްވާފައިއެވެ.