ކެރަމް ވޯލްޑްކަޕްގެ އޮފިޝަލް ޓެލެކޮމް ޕާޓްނަރަކަށް އުރީދޫ ހަމަޖައްސައިފި
11 ސެޕްޓެމްބަރ 2014 20:58
ކެރަމް އެސޯސިއޭޝަންގެ ރައީސް މުބީނާއި، އުރީދޫގެ ސީއީއޯ ވިކްރަމަ ސިންހަ ކެރަމް ކުޅުއްވަނީ -ފޮޓޯ: އުރީދޫ
މިއަހަރު ރާއްޖޭގައި ބޭއްވުމަށް ހަމަޖައްސާފައިވާ ކެރަމް ވޯލްޑް މުބާރާތުގެ އޮފިޝަލް ޓެލެކޮމް ޕާޓްނަރަކަށް އުރީދޫ މޯލްޑިވްސް ހަމަޖައްސައިފިއެވެ.
މިމުބާރާތުގެ ޓެލެކޮމް ޕާޓްނަރަކަށް އުރީދޫ ހަމަޖެހުނު ކަމުގެ އެއްބަސްވުމުގައި މިއަދުވަނީ ސޮއި ކޮށްފައެވެ.
މި އެއްބަސްވުމުގައި ސޮއިކޮށްފައިވަނީ ކެރަމް އެސޯސިއޭޝަނުގައި މިއަދު ބޭއްވި ރަސްމިއްޔާތެއްގައެވެ. އުރީދޫގެ ފަރާތުން ސޮއި ކުރެއްވީ އުރީދޫގެ ސީއީއޯ ވިކްރަމް ސިންހަ އެވެ. އަދި ކެރަމް އެސޯސިއޭޝަންގެ ފަރާތުން ސޮއި ކޮށްފައި ވަނީ ކެރަމް އެސޯސއޭޝަންގެ ރައީސް އަހުމަދު މުބީންއެވެ.
މިއެއްބަސް ވުމުގެ ދަށުން އުރީދޫން ކޮށްދޭނެ އެއްކަމަކީ މުބާރާތް ބްރޯޑްކާސްޓް ކުރުމަށް ޓެކްނިކަލް އެހީތެރިކަން މުބާރާތުގެ އޮފިޝަލް މީޑިއާ ކަމަށްވާ ވީމީޑިއާއަށް، ފޯރު ކޮށްދިނުމެވެ.
މި އެއްބަސްވުމުގައި ސޮއި ކުރެއްވުމަށްފަހު ވިކްރަމް ސިންހަ ވިދާޅުވީ މިފަދަ މުބާރާތެއްގެ ޕާޓްނަރަކަށް އޫރިދޫ ވުމަކީ ލިބުނު ވަރަށްބޮޑު އުފަލެއް ކަމަށެވެ. އަދި މި މުބާރާތް ރާއްޖޭގައި ބޭއްވޭތީވެސް އުފާ ކުރައްވާ ކަމަށެވެ. އޭނާ ވިދާޅުވީ މިމުބާރާތަށް އެކުންފުނިން 3 ޖީ ޕްލަސް އާއި 4 ޖީ އެންމެ ފަހުގެ ޓެކްނޮލޮޖީ ފޯރުކޮށް ދެއްވާނެ ކަމަށް އޭނާ ވިދާޅުވިއެވެ.
މިމުބާރާތް އޮންނާނީ މިމަހުގެ 13 އިން 17 އަށް ސަން އައިލެންޑް ރިސޯޓުގައެވެ.
ކިޔުންތެރިންގެ ހިޔާލު