އެސްޓީއޯ ބަށި މުބާރާތުގެ ޗެމްޕިއަންކަން ފީއަލި އެކުވެރި ޒުވާނުންގެ ގުޅުމުން ހޯދައިފި
4 އޯގަސްޓް 2014 21:57
އެސްޓީއޯ ހޯމް އިމްޕްރޫވްމަންޓް ބަށި މުބާރާތް 2014 އިގެ ޗެމްޕިއަންކަން ފީއަލި އެކުވެރި ޒުވާނުންގެ ގުޅުން ހޯދައިފިއެވެ.
މި އަހަރުގެ ބަށި މުބާރާތް ފީއަލި އެކުވެރި ޒުވާނުންގެ ގުޅުން ކާމިޔާބު ކޮށްފައި ވަނީ ވިދުވަރުއާއީ ބައްދަލުކޮށް 35 ލަނޑު 2 ފޯލި ހަދައިގެންނެވެ. ވިދުވަރުއަށް ކާމިޔާބު ކުރެވިފައި ވަނީ 30 ލަނޑެވެ.
މި މުބާރާތުގެ އެންމެ ގިނަ ފޯލި ސައިކޮށްފައިވާ ކުޅުންތެރިއަކީ އދ. ކުނބުރުދޫ ބަށި ޓީމުގެ އައިޝަތު ޝަބާނާއެވެެ. އޭނާ މި މުބާރާތުގައި 673 ފޯލި ސައި ކޮށްގެނެވެ. އަދި މި މުބާރާތުގައި އެންމެ ގިނަ ފޯލި ހިފައިފައި ވަނީ ރިއަލް އައިލެންޑްގެ އައިޝަތު މިންހާއެވެ. އޭނާ މިމުބާރާތުގައި 152 ފޯލި ހިފައިފައި ވެއެވެ. މި މުބާރާތުގައި އެންމެ އުންމީދީ ކުޅުންތެރިއަކަށް ހޮވިފައި ވަނީ އދ. ކުނބުރުދޫ ބަށި ޓީމުގެ ހަދީޖާ އާމިރާއެވެ. އަދި މި މުބާރާތުގެ ބަށި ރާނީ އަކަށް ހޮވިފައި ވަނީ ހަމަ އެޓީމުގެ އައިޝަތު ޝަބާނާއެވެ.
އެސްޓީއޯ ހޯމް އިމްޕްރޫވްމަންޓް ބަށި މުބާރާތުގެ ޗެމްޕިއަންކަން މިއީ ފީއަލި އެކުވެރި ޒުވާނުންގެ ގުޅުމުން ހޯދި 3 ވަނަ ފަހަރެވެ. މި މުބާރާތަށްފަހު ފީއްއައްޔަށް ވަނީ ތަށި މިލްކުވެފައެެވެ.
ކިޔުންތެރިންގެ ހިޔާލު