ބަށިމުބާރާތުގެ ތިންވަނަ ރިއަލް އައިލެންޑުން ހޯދައިފި

"އެސްޓީއޯ ހޯމް އިމްޕްރޫވްމަންޓު ބަށި މުބާރާތުގައި" ރިއަލް އަލެންޑް އާއި އދ. ކުނބުރުދޫ ބަށި ޓީމު މިއަދު ހެނދުނު ހެންވޭރު ދަނޑުގައި ވާދަ ކޮށް ރިއަލް އައިލެން މުބާރާތުގެ 3 ވަނަ ހޯދައިފިއެވެ.

ރިއަލް އައިލެންޑް ކުރި ހޯދާފައި ވަނީ 33 ލަނޑު 1 ފޯލި ހަދައިގެންނެވެ. އދ. ކުނބުރުދޫ އަށް ހެދިފައި ވަނީ 28 ލަނޑު 11 ފޯއްޔެވެ. މި މެޗުގައި އެންމެ ގިނަ ފޯލި ސައި ކޮށްފައި ވަނީ އދ. ކުނބުރުދޫ ބަށި ޓީމުގެ އައިޝަތު ޝަބާނާއެވެ. އޭނާ ޖަހާފައި ވަނީ 105 ފޯއްޔެވެ. އދި މި މެޗުގައި އެންމެ ގިނަ ފޯލި ހިފައިފައި ވަނީ ރިއަލް އައިލެންޑް ގެ އައިޝަތު މިންހާއެވެ. އޭނާ ހިފައި ފައި ވަނީ 24 ފޯއްޔެވެ.

އެސްޓީއޯ ހޯމް އިމްޕްރޫވްމަންޓް ބަށި މުބާރާތުގެ ބަށި ރާނީ އަށް ވާދަ ކުރަނީ ވެސް މިދެ ކުޅުން ތެރިންނެވެ. މި މުބާރާތުގެ ފައިނަލް މެޗް މިއަދު ހަވީރު 15:30 ގައި ހެންވޭރު ދަނޑުގައި ކުޅުމަށް ވަނީ ހަމަޖެހިފައެވެ. ފައިނަލްގައި ބައްދަލު ކުރަނީ ފީއަލި އެކުވެރި ޒުވާނުންގެ ގުޅުމާއި ވިދުވަރުއެވެ.