ދޮށީ އުމުރުގެ މީހުންނަށް ހާއްސަކޮށް ލ. ގަމުގައި ފުޓުބޯޅަ މުބާރާތެއް ބާއްވަނީ
31 ޖުލައި 2014 14:49
ސްޓާއިން ބޭއްވި ރަހުމަތްތެރި ކަމުގެ މެޗަކަށް އުމުރުން 35 އަހަރުން މަތީގެ ދެ ޓީމު ތައްޔާރުވެގެން: ފޮޓޯ ސްޓާ
ބޮޑު އީދަށް ހައްދުނަމްތީ ގަމުގައި ދޮށީ އުމުރުގެ މީހުންނަން ހާއްސަކޮށްގެން ފުޓް ބޯޅާ މުބާރާތެއް ބާއްވާން "ސުޓާރ ޖަމިއްޔާއިން" ނިންމައިފިއެވެ.
"ސުޓަރ ޖަމިއްޔާގެ" ނައިބް ރައީސް އިސްމާއިލް ޒަކީ މިއަދު ވިދާޅުވީ ބޮޑު އީދު ކުލަގަދަ ގޮތެއްގައި ފާހަގަ ކުރުމަށް ސުޓަރް ޖަމިއްޔާއިން ރާވާފައި ވާކަމަށެވެ. އޭނާ ވިދާޅުވީ އީދު ކުޅުވަރު ގޮތުގައި ބާއްވާ ދޮށީ އުމުގެ މީހުންގެ ފުޓު ބޯޅަ މުބާރާތުގައި ބައިވެރި ވެވޭނީ އުމުރުން 35 އަހަރުން މަތީގެ މީހުންނަށް ކަަށެވެ. އަދި ވަރަށް އަވަހަށް މުބާރާތުގައި ބައިވެރިވުމުގެ ފުރުސަތު ހުޅުވާލައިލާނެކަމަށް އެނާ ވިދާޅުވިއެވެ.
"ބޮޑު އީދުގައި އީދު ކުޅިވަރުތަކާ ސްޓޭޖު ޝޯތައް އަދި ކުޅިވަރުގެ ހަރަކާތްތަކެއް ބޭއްވުމަށް އަޅުގަނޑުމެން މިވަނީ ނިންމާފައި. އޭގެތެރެއިން އެންމެ ފާހަގަ ކޮށްލެވޭ އެއް ކަމަކީ 35 އަހަރުން މަތީގެ މީހުންނަށް އަމާޒުކޮށްގެން ބާއްވާ ފުޓު ބޯޅަ މުބާރާތެއް. އެ މުބާރާތް އަޅުގަނޑުމެން ބޭއްވުމަށް ނިންމީ ރޯދަ މަހާއި ފިތުރު އީދުގައި އަޅުގަނޑުމެން ބޭއްވި ފުޓް ސެލް މުބާރާތަކުން ލިބުނު ބޮޓު ތަރުހީބުގެ ސަބަބުން. ގަމު ރައްޔިތުން ކުޅިވަރާއި މެދު އިތުރަށް އަހުލުވެރިކުރުވުމުގެ ގޮތުން" ގަމު ކައުންސިލް މެމްބަރުކަން ވެސް ކުރައްވަމުން އަންނަ ޒަކީ ވިދާޅުވިއެވެ.
ރޯދަމަހުގައި ޒުވާނުންނަަށް އަމާޒުކޮށްގެން ބޭއްވި "ސްޓަރ ރަަމަސާން ފުޓްސެލް މުބާރާތްގައި" 24 ޓީމަކުން ބައިވެރިވެފައެވެ. އޭގެ ތެރޭގައި ސަރުކާރު އޮފީސްތަކާ، ދައުލަތުގެ މުޢައްސަސާތަކާ، ރިޒޯޓްތަކާއި، އަތޮޅުގެ އެހެން ރަށްރަށުގެ ޓީމުތައް ވެސް ހިމެނެއެވެ. އެ ޖަމިއްޔާއިން އިމްތިޒާމްކޮށްގެން ފުތުރު އީދުގެ މުނާސަބަތުގައި ބާއްވާ ކުޑަކުދިންގެ ފުޓްސެލް މުބާރާތެއް މިހާރު ވެސް އެރަށުގައި ކުރިއަށް އެބަދެއެވެ.
ކިޔުންތެރިންގެ ހިޔާލު