ގަމު "ރަމަޟާން ފުޓްސެލް ކަޕް" ރޭ ކުޅުނު މެޗުތައް ގޯޅި އޮބިނޯ، ފޮއިމަތި، ނޯއެސްކިޔު ކާމިޔާބު ކޮށްފި

ހައްދުންމަތީ ގަމު "ރަމަޟާން ފުޓްސެލް ކަޕް" ގެ ގްރޫޕު ސްޓޭޖުގައި ރޭ ކުޅުނު މެޗުތައް ގޯޅިއޮބިނޯ، ފޮއިމަތި، ނޯ އެސްކިޔު ކާމިޔާބު ކޮށްފި އެވެ.

ރޭ ފުރަތަމަ ކުޅުނު މެޗު ގޯޅި އޮބިނޯ އާއި އެފް.ސީ ލައިކަން އާ ބައްދަލު ކުރިމެޗު ގޯޅިއޮބިނޯ ކާމިޔާބުކުރީ 6 ލަނޑު 2 ލަނޑުންނެވެ. ގޯޅި އޮބިނޯ ގެ ފުރަތަމަ ލަނޑު ކާމިޔާބު ކޮށްދިނީ ޖޯޒީ ނަންބަރު 23 މުހައްމަދު ފިރުޝާންއެވެ. ދެވަނަ ލަނޑު އެ ޓީމަށް ކާމިޔާބު ކޮށްދިނީ ޖޯޒީ ނަންބަރ 7 މުހައްމަދު އިރުޝާދެއެވެ. ތިންވަނަ ލަނޑު އެ ޓީމަށް ކާމިޔާބް ކޮށްދިނީ ފުރަތަމަ ލަނޑު ކާމިޔާބް ކޮށްދިން ފިރުޝާނެވެ.

ފުރަތަމަ ހާފު ނިންމާލަން ޖެހުނީ އެފް.ސީ ލައިކަންއަށް ލަނޑެއް ނުޖެހިއެވެ. އެހެންނަމަވެސް ވާދަވެރި ކުޅުމަކާ އެކު ދެވަނަ ހާފް ގައި ލައިކަންވަނީ 2 ލަނޑު ޖަހައި ފަރަގު ކުޑަކޮށްފައެވެ. ލައިކަން ގެ ފުރަތަމަ ލަނޑު އެޓީމް އަށް ކާމިޔާބްކޮށްދިނީ ޖޯޒީ ނަންބަރ 12 އަލީ އިހްސާންއެވެ. ދެވަނަ ލަނޑު ކާމިޔާބް ކޮށްދިނީ ޖޯޒީ ނަންބަރ 10 މުހައްމަދު ޖިނާހް އެވެ.

ގޯޅި އޮބިނޯ އިންވެސް ފަހު ހާފްގައި އިތުރު ތިން ލަނޑު ކާމިޔާބުކޮށް މެޗުން މޮޅުވާނެ ކަމުގެ ޔަގީންކަން ހޯދިއެވެ. މިލަނޑުތައް އެޓީމަށް ކާމިޔާބު ކޮށްދީފައިވަނީ ޖޯޒީ ނަންބަރ 4 އިބްރާހީމް ސަލީމާއި، ފިރުޝާން އާއި އިރުޝާދެވެ. މެޗުގެ މޭން އޮފްދަ މެޗުގެ މަގާ ހޯދީ ގޯޅި އޮބިނޯގެ އިބްރާހިމް ސަލީމެވެ.

މިމުބާރާތުގައި ރޭ ކުޅުނު މެޗުތަކުގައި ބަރުލަމާނީ އާއި ފޮއިމަތި ބައްދަލު ކުރި މެޗު 3-2 އިން ކާމިޔާބުކުރީ ފޮއިމައްޗެވެ. އެފް.ސީ ލިއަމްސީ ޓީމާއި ނޯ އެސް.ކިއު ބައްދަލު ކުރި މެޗުން މޮޅުވީ ނޯ އެސް.ކިއު އެވެ. ނޯ އެސް.ކިއު 6 ލަނޑު ޖަހާފައިވާއިރު، އެފް.ސީ ލިއަމްސީ އިން ވަނީ 1 ލަނޑު ޖަހާފައެވެ.

އަަމިގޯސް އެސް.ސީ އާއި ސިކްސް ސެންސްް ބައްދަލުކުރި މެޗު ވަނީ 2-2 ގެ ނަތީޖާއިން އެއްވަރުވެފައެވެ.

މި މުބާރާތުގެ ގުރޫޕް ސްޓޭޖުގެ ހަތަރު މެޗު މިރޭވެސް ކުޅޭނެއެވެ. ފުރަތަމަ މެޗުގައި ބައްދަލުކުރާނީ އެމްއެންޑީއެފް ސެންޓްރަލް އޭރިއާއި ޕައިރެޓް ޒެމްބިއާއެވެ. ދެވަނަ މެޗުގައި ބައްދަލު ކުރާނީ ޕެލިކަން އާއި މުކުރިމަގު ޔުނައިޓެޑެވެ. ދެން ބައްދަލު ކުރާނީ އެފްސީ ކިންގާއި ފޮނަދޫ ޒުވާނުންގެ ރޫހެވެ. އެންމެ ފަހު މެޗުގައި ބައްދަލުކުރާނީ ޕައިރެޓް ސޯމާލިއާއި، ތުރުތުރާއެވެ.