ސްޓަރގެ ރަމަޟާން ފުޓުސަލް މުބާރާތް މިރޭ ފަށާނެ
4 ޖުލައި 2014 14:21
މިދިޔަ އަހަރުގެ މުބާރާތުގެ ތެރެއިން
ހައްދުންމަތީގަމު، ތުނޑީ އަވަށުގެ " ސޮސައިޓީ ފޯރ ތުނޑީ އެޑްވާންސްމަންޓް އެންޑް ރިކްރިއޭޝަން (ސްޓަރ)" ގެ ފަރާތުން ބާއްވާ ރަމަޟާންފުޓުސަލް މުބާރާތް މިރޭ ފަށާނެ ކަމަށް އެޖަމިއްޔާއިން ބުނެފިއެވެ.
މިފަހަރުގެ މުބާރާތުގައި ޖުމްލަ 24 ޓީމް ވަނީ ބައިވެރިވެފައެވެ. އޭގެ ތެރޭގައި ސަރުކާރުގެ ބޮޑެތި އޮފީސްތަކާއި، މުޢައްސަސާތަކާއި، ރިޒޯޓްތަކާއި، އަތޮޅުގެ އެހެން ރަށްރަށުގެ ޓީމުތައް ހިމެނެއެވެ.
މިމުބާރާތް ފަށާނީ މިރޭ 9.00 ގައެވެ. މުބާރާތް އޮންނާނީ ތުނޑީ އަވަށުގެ ފުޓުބޯޅަ ދަނޑުގައެވެ. މިއީ 2006 ވަނަ އަހަރުން ފެށިގެން މެދުނުކެނޑި ބާއްވަމުން ގެންދާ މުބާރާތެކެވެ.
މި މުބާރާތުގެ ޗެމްޕިއަން ޓީމަށް މިއަހަރުވަނީ ފަންސަވީސް ހާސް ރުފިޔާ ހުށަހަޅައިފައެވެ. ރަނަރ-އަޕް ޓީމަށް ވަނީދިހަ ހާސް ރުފިޔާ ކަނޑައަޅައިފައެވެ.
މިއީ ޒުވާނުންގެ ހުނަރު އިތުރު ކޮށް މުޖުތަމައުގައި އެމީހުންގެ ދައުރު ފުޅާކުރުމުގެ މަގުސަދުގައި ބާއްވާމުބާރާތެވެ.
ކިޔުންތެރިންގެ ހިޔާލު