ހައްދުންމަތީ ގަމުގެ ފުޓްސެލް މުބާރާތުގެ ގުރުއަތުލުން ބާއްވައިފި

ތުނޑީއެޑުވާންސްމެންޓް އެންޑު ރެކުރިއޭޝަން (ސްޓާ) އިން ހައްދުންމަތީ ގަމުގައި ބާއްވާ ރަމަޟާން ފުޓްްސެލް މުބާރާތުގެ ގުރުއަތުލުން ރޭ ބައްވަފިއެވެ.

މިމުބާރާތުގައި އަށް ގުރޫޕަކުން ޖުމްލަ 24 ޓީމު ބައިވެރިވެއެވެ. ހުރިހާ ޓީމެއްގެ މެނޭޖަރުން ވެސް ބައިވެރިވި ގުރުއަތުލުން ކުރިއަށް ގެންގޮސް ފައިވަނީ ގަމު ފިޝަމޭން ކޮމިއުނިޓީ ސެންޓަރުގެ ޖަލްސާކުރާ މާލަމުގައިއެވެ.  

މުބާރަތްގެ ފުރުތަމަ މެޗް ކުޅެން ހަމަޖެހިފައިވަނީ އަންނަ ހުކުރު ދުވަހު ރޭ 9:00 ގައި އެވެ. މި މެޗް ގައި ބައްދަލުކުރަން ހަމަޖެހިފައިވަނީ ގުރޫޕް "އޭ" ގެ ދެ ޓީމެވެ. އެއީ މިދިޔަ އަހަރުގެ ޗެމްޕިއަން ވައި.އާރު.ސީ އާއި ރަނަރަޕްއެފް.ސީ ކިންގެވެ.  

ތުނޑީ އެޑުވާންސްމެންޓް އެންޑު ރެކުރިއޭސަންއިން ގެ ނައިބް ރައީސް އިސްމާއިލް ޒަކީ ވިދާޅުވީ އެހެން އަހަރުތަކަކޭ އެއްފަދައިން މިފަހަރުގެ މުބާރާތަށް ވެސް އާންމުންގެފަރާތުން ބޮޑު ތަރުހީބެއް ލިބެމުން އަންނަކަމަށެވެ. އަދި މި މުބާރާތުގެ ޗެމްޕިއަންޓީމަކަށް 25000 ރުފިޔާގެ ފައިސާގެ އިނާމަކާ އަދި ރަނަރަޕް ޓީމްއަކަށް 10000ރުފިޔާގެ ފައިސާގެ އިނާމެއް ދޭގޮތަށް ވަނީ ނިންމާފައެވެ.  

މިމުބާރަތަކީ ސްޓާ އިން އަހަރެއްގެ ރޯދަ މަހު ވެސް ބާއްވަމުން އަންނަ މުބާރާތެކެވެ.  މި މުބާރާތުގައި ގަމުގެ އަމިއްލަ ޓީމުތަކުގެއިތުރުން ފުލުހުންނާއި އެމްއެންޑީއެފް ފަދަ ސަރުކާރު މުއައްސަސާ ތަކުގެ ޓީމުތައްވެސް ބައިވެއެވެ.