އޭއެފްސީ ޗެލެންޖު ކަޕުގެ ޗެމްޕިއަންކަން ފަލަސްތީނު ހޯދައިފި

އެފްސީ ޗެލެންޖު ކަޕުގެ ފުޓުބޯޅަ މުބާރާތުގެ ޗެމްޕިއަންކަންފަލަސްތީނު ހޯދައިފި އެވެ.

މިބާރާތުގެ ޗެމްޕިއަންކަން ފަލަސްތީން  ހޯދާފައިވަނީ ގައުމީ ސްޓޭޑިއަމުގައި މިރޭ ކުޅުނުފައިނަލް މެޗުގައި ފިލިޕީންސާ ބައްދަލުކޮށް 1-0 ލަނޑުން މެޗު ކާމިޔާބު ކޮށްގެންނެވެ.މިލަނޑު ފަލަސްތީނުންޖެހީ މެޗުގެ ފަހުހާފުގައެވެ.

ތާރީޚީ މިލަނޑު އެޓީމަށް ކާމިޔާބު ކޮށްދީފައިވަނީޖާޒީ ނަންބަރު 7 އަޝްރަފްއެވެ. އޭނާ މިލަނޑު ޖެހީ ފިލިޕީންސްގެ ގޯލް އޭރިއާ ކައިރިން ތިން ކުޅުންތެރިން ކައިރިން ކައިރިން ނައްޓާލާފައިދަނިކޮށް ފިލިޕީންސްގެ ކުޅުންތެރިން ކުރިފައުލަކާ ގުޅިގެން ލިބުނު ހިލޭޖެހުމަކުންނެވެ.

ދެވަނަ ހާފުގައި ދެ ޓީމަށް ވެސް ގޯލު ޖަހާނެރަނގަޅު ފުރުސަތުތަކެއް ލިބުނުނަމަވެސް، އެއްވެސް ޓީމަކަށް އިތުރު ގޯލެއް ކާމިޔާބުކުރެވިފައެއް ނުވެއެވެ.

މެޗުކުޅެމުންދިޔަ ވަގުތު ދިވެހިންގެ ގިނަބަޔަކު ފަލަސްތީނަށް ސަޕޯޓުކުރުމަށް ދަނޑަށްގޮސް ތިބިކަން ފާހަގަކުރަން ޖެހެއެވެ.

މުބާރާތުގައިއެންމެ ގިނަ ލަނޑުޖެހި ކުޅުންތެރިޔާގެ މަގާމު ލިބިފައިވަނީ ފަލަސްތީން ފޯވާޑްއަޝްރަފް ފަވަޣްރާ އަށެވެ. އޭނާވަނީ 4 ލަނޑު ޖަހައިފައެވެ. މުބާރާތުގެ އެންމެ މޮޅުކުޅުންތެރިޔާގެ މަގާމު ހޯދީ ފަލަސްތީން ޓީމުގެ މުރާދު ސައީދެވެ.

މުބާރާތުގެދެވަނަ ހޯދާފައިވަނީ ފިލިޕީންސެވެ. ރާއްޖެއަށް ލިބުނީ ތިންވަނައެވެ. ރާއްޖެތިންވަނަ ހޯދާފައިވަނީ ތިންވަނަ ހޮވިމެޗުގައި އަފްޣާނިސްތާނާ ބައްދަލުކޮށްޕެނަލްޓީ ޖަހައިގެން 8-7 ލަނޑުން ބޮޅުވެގެންނެވެ.

ރާއްޖެއަށްތިންވަނަ ލިބުމުން ރައީސް ޔާމީންވަނީ އެއްމިލިއަން ރުފިޔާ ރާއްޖޭގެ ޓީމަށްދެއްވަން ނިންމަވާފައެވެ.