ތިންވަނަ ހޮވާމެޗަށްވެސް ސަޕޯޓަރުންގެ ފުރިހަމަ ތަރުހީބު ބޭނުން: އިލްހާމް

ތިންވަނަ ހޮވާ މެޗުގައި ވެސް ގައުމީ ފުޓުބޯޅަ ޓީމަށް ކުރިންވެސް ދިންވަރުގެތަރުހީބެއް ދިނުމަށް ސަޕޯޓަރުންގެ ކިބައިން އެފްއޭއެމްގެ ރައިސް އިލްހާމް އަހުމަދު އެދިވަޑައިގެންފިއެވެ.

އެފްއޭއެމުން ނެރުނު ބަޔާނެއްގައި އިލްހާމް ވިދާޅުވެފައިވަނީ، ފީފާ ރޭންކިންގައިރާއްޖޭގެ ރޭންކިން މަތި ކުރުމަށްޓަކައި ތިންވަނަ ހޮވާ މެޗްގެ ނަތީޖާ އަކީ ވެސްމުހިއްމު ނަތީޖާއެއް ކަމަށެވެ.

ތިންވަނަ ހޮވާ މެޗު އޮތީ މާދަމާ ރޭ 9:00 ގައި ގައުމީފުޓުބޯޅަ ސްޓޭޑިއަމްގައެވެ. އެ މެޗުގައި ރާއްޖެ ބައްދަލުކުރާނީ އަފްޣާނިސްތާނެވެ.

 "އެހެންކަމުން ދިވެހި ލާމަސީލު ސަޕޯޓަރުންގެ ސަޕޯޓް މި މެޗަށްވެސް ލިބުމަކީ އެފްއޭއެމްގެ ވަރަށް ބޮޑު އެދުމެއް. އަޅުގަނޑުމެން ހުރިހާ އެއްމެން ހިނުތުންވާފަދަ ކުޅުމެއް ދިވެހި ޓީމް ކުޅެމުން ދިޔައީ، ދިވެހި ކުޅުންތެރިން ކުރި ހިތްވަރަށް ސާބަސްދެން. އަދި ދިވެހި ސަޕޯޓަރުން އަބަދުމެ ގައުމީ ޓީމަށް ތި ދެއްވާ ސަޕޯޓަށް ތި ހުރިހާސަޕޯޓަރުންނަށް ޝުކުރުދަންނަވަން" އިލްހާމް ވިދާޅުވެފައިވެއެވެ.

 ސެމީ ފައިނަލް މެޗުގައި 2-3 އިން ފިލިޕިންސްވަނީ ރާއްޖެ ބަލިކޮށްފައެވެ. އިލްހާމްވިދާޅުވެފައިވަނީ، "ދިވެހި ޓީމު ހުރިހާ ގޮތަކުން ވެސް މޮޅެއް ހައްގުކަމަށާއިއެހެންނަމަވެސް ނަސީބު ދެރައީ" ކަމަށެވެ.

 އޭއެފްސީ ޗެލެންޖް ކަޕްގައި ރާއްޖެ އާއި ފިޕިލީންސް ބައްދަލުކުރި ސެމީފައިނަލް މެޗްގައި ދިވެހި ކުޅުންތެރިންގެ ފަރާތުން ފެނިގެން ދިޔައީ ހިތްވަރު ގަދަކުޅުމެއް ކަމަށްވެސް އިލްހާމް ވިދާޅުވި އެވެ.