އަޑުގެ އަހަރީ ދުވަހާ ގުޅިގެން ލޭހަދިޔާ ކުރަނީ

ދިވެހިރާއްޖޭގެ އަޑުގެ ޚިދުމަތް ދެމުން ގެންދާތާ 53 އަހަރު ފުރޭ ދުވަހާ ގުޅިގެން ލޭ ހަދިޔާ ކުރުމުގެ ކޭމްޕެއް ބާއްވަން ނިންމައިފިއެވެ.

މި ކޭންޕު ބާއްވާނީ މާދަމާ ހެނދު 9.00 އިން ހަވީރު 5.00 އަށެވެ. ކެންޕޭން ކުރިއަށް ގެންދާނީ އަޑުގެ ސެނަކޯ މާލަމުގައެވެ. ދިވެހިރާއްޖޭގެ އަޑުން މިހަރަކާތް ކުރިއަށް ގެންދާނީ މޯލްޑިވްސް ބްލަޑް ސާރވިސަސްއާ ގުޅިގެންނެވެ. ލޭ ހަދިޔާކުރަން ބޭނުންވާ އެންމެންނަށް އެ ފުރުސަތު އޮތީ ހުޅުވާލައިފައެވެ.

ލޭ ހަދިޔާ ކުރަން ބޭނުންވާ މީހުންނަށް މިހާރުން ފެށިގެން ނަންނޯޓު ކުރެވޭނެ ކަމަށް އަޑުންވަނީ ބުނެފައެވެ. މި ކޭންޕުން ލިބޭ ލޭ ހަދިޔާކުރާނީ ތެލެސީމިއާ ކުދިންނަށެވެ.

ދިވެހިރާއްޖޭގެ އަޑުގެ އަހަރީ ދުވަހަކީ ޑިސެމްބަރ މަހުގެ 29 ވަނަ ދުވަހެވެ. އަޑުގެ އަހަރީ ދުވަސް ފާހަގަ ކުރުމަށް ތަފާތު ހަރަކާތްތައް ދަނީ ބާއްވަުންނެވެ.