ޔަމަނަށް ސުލްހަ ގެނައުމަށް ރާއްޖެއިން އެހީވާން ނިންމައިފި
16 ޑިސެމްބަރ 2015 23:00
ޔަމަނުގައި ހިނގާ ދާޚިލީ ހަނގުރާމައިގެ ސަބަބުން އެތައް ބަޔަކަށް ދަނީ ގެއްލުންވަމުން
ޔަމަނަށް ސުލްޙަ ގެނައުމަށް ސަޢުދީ ޢަރަބިއްޔާއިން އިސްނަގައިގެން ކުރަމުން އަންނަ މަސައްކަތަށް ރާއްޖެއިން އެހީވާން ނިންމާފައިވާ ކަމަށް ދިވެހި ސަރުކާރުން ބުނެފިއެވެ.
ރާއްޖޭގެ ޚާރިޖީ ވުޒާރާއިން މިރޭ ނެރެފައިވާ ބަޔާނެއްގައި ބުނެފައިވަނީ އެކަމަށް ރާއްޖެއިން ވެވިދާނެ އެހީތެރިކަމާ ބެހޭގޮތުން ގެންދަވަނީ ސަޢުދީ ސަރުކާރާ މަޝްވަރާ ކުރައްވަމުން ކަމަށެވެ.
ދާޚިލީ ހަނގުރާމައިގެ އަނދަވަޅަކަށް މިހާރު ވެއްޓިފައިވާ ޔަމަނަށް ސުލްހަ ގެނައުމަށް ސަޢުދީއަށް އެހީވުމަށް ރާއްޖެއިން ނިންމީ ޓެރަރިޒަމާ ދެކޮޅަށް ހިންގާ ހަރަކާތްތަކުގައި ބައިވެރިވުމަކީ މި ސަރުކާރުގެ ޚާރިޖީ ސިޔާސަތަކަށްވާތީ ކަމަށެވެ. އޭގެ އިތުރަށް ރާއްޖެއަކީ ޓެރަރިޒަމް ނައްތާލުމަށް ގޮވާލައި އަބަދުވެސް ވަކާލާތު ކުރަމުންދާ ގައުމެއް ކަމަށްވެސް ޚާރިޖީ ވުޒާރާ އިން ބުނެފައިވެއެވެ.
ޚާރިޖީ ވުޒާރާއިން ހާމަކުރައްވާފައިވާ ގޮތުގައި ރާއްޖެއިން އަބަދުވެސް ދަނީ މެދުއިރުމަތީގައި ސުލްހަ ޤާއިމްކޮށް އެ ސަރަހައްދުގެ ސަލާމަތާއި ހަމަޖެހުމަށް ވަކާލާތު ކުރަމުންނެވެ. އެހެން ކަމުން ޔަމަނަށް ސުލްހަ ގެނެސް މިނިވަންކަމާއި އެޤައުމުގެ އިސްތިގުލާލު ހިމާޔަތް ކުރުމަށް ކުރުމަށް ކުރާ މަސައްކަތްތަކަށް އެހީވާނެ ކަމަށްވެސް ޚީރިޖީ ވުޒާރާގެ ބަޔާނުގައިވެއެވެ.
މި ކަމަށްޓަކައި ސަޢުދީ އިސްވެ އޮވެ އުފެއްދި، އިސްލާމީ މިހާތަނަށްވަނީ 34 ގައުމު ބައިވެރިވެފައެވެ. އިތުރު ޤައުމުތަކާ މަޝްވަރާ ކުރަމުންދާ ކަމަށް ސަޢުދީން ވަނީ ހާމަ ކޮށްފައެވެ.
ކިޔުންތެރިންގެ ހިޔާލު