ވަކި ކޮޅަކަށް ނުޖެހޭ ހުކުމެއް އދ.ގެ ވޯކިންގ ގްރޫޕުން ކުރާނެ ކަމަށް އުއްމީދު ކުރަން-މީރާ

ޓެރަރިޒަމްގެ ކުށް ސާބިތުވެގެން 13 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް މުހައްމަދު ނަޝީދުގެ މައްސަލައަށް އދ.ގެ ވޯކިންގ ގްރޫޕުން މިނިވަން އަދި ވަކި ކޮޅަކަށް ނުޖެހޭ ހުކުމެއް ކުރާނެ ކަމަށް އުއްމީދު ކުރައްވާކަމަށް ރައީސް ނަޝީދުގެ އަންހެން ދަރި ކަނބަލުން މީރާ ލައިލާ ވިދާޅުވެއްޖެ އެވެ.

ޓެރަރިޒަމްގެ ކުށް ސާބިތުވެގެން 13 އަހަރުގެ ޖަލު ހުކުމެއް ތަންފީޒު ކުރައްވަމުން ގެންދަވާ ކުރީގެ ރައީސް މުހައްމަދު ނަޝީދުގެ މައްސަލައަށް އދ.ގެ ވޯކިންގ ގްރޫޕުން މިނިވަން އަދި ވަކި ކޮޅަކަށް ނުޖެހޭ ހުކުމެއް ކުރާނެ ކަމަށް އުއްމީދު ކުރައްވާކަމަށް ރައީސް ނަޝީދުގެ އަންހެން ދަރި ކަނބަލުން މީރާ ލައިލާ ވިދާޅުވެއްޖެ އެވެ.

އިނގިރޭސި ވިލާތާއި އެމެރިކާގެ ހިއުމަން ރައިޓްސް ޖަމިއްޔާ “ފްރީޑަމް ނައު”ގެ ފަރާތުން އަދ.ގެ ހިއުމަން ރައިޓްސް ކައުންސިލްގައި އޭނާގެ ބައްޕާ ފުޅުގެ މައްސަލައާ ބެހޭގޮތުން ރޭ ވާހަކަ ދައްކަވަމުން އުމުރުން 18 އަހަރުގެ މީރާ ވިދާޅުވީ، ރާއްޖޭގައި އިންސާނީ ހައްޤުތައް ކަށަވަރު ކުރެއްވުމަށް އޭނާގެ ބައްޕާފުޅު މުހައްމަދު ނަޝީދު ވަނީ އެމަނިކުފާނުގެ ހަޔާތުގެ ބޮޑު ބައެއް ޤުރުބާން ކުރައްވާފައި ކަމަށެވެ.

މީރާ ވިދާޅުވީ، އޭނާގެ ބައްޕާފުޅަކީ ރާއްޖޭގައި އިންސާނީ ހައްޤުތައް ކަށަވަރު ކުރުމަށް ކުރެވުނު މަސައްކަތުގައި އެމަނިކުފާނުގެ ހަޔާތުގެ ބޮޑުބައެއް ޤުރުބާން ކުރެއްވި ބޭފުޅެއް ކަމަށެވެ. އަދި އެނާގެ ބައްޕާފުޅު ޖަލުގައި ހުންނެވި ހާލާމެދު ބައްޕާފުޅުގެ ރައްކާތެރިކަމާއި މެދު ކަންބޮޑުވާ ކަމަށް ވެސް އޭނާ ވިދާޅުވި އެވެ.

މީރާ ވިދާޅުވީ، އޭނާގެ ބައްޕާފުޅުގެ ޝަރީޢަތަކީ ވެސް ސިޔާސީ މަޤްސަދެއް ހާސިލުކުރުމުގެ ނިޔަތުގައި ކުރިޔަށް ދިޔަ ޝަރީޢަތެއް ކަމަށެވެ.

އަދި އެ ޝަރީއަތުގެ ކަންކަން ހިނގައި ދިޔަ އިރު ކޯޓުން އެތައް އިޖްރާޢަތްތަކަކާއި ޚިލާފުވެފައިވާ ކަމަށް އެކި ފަރާތްތަކުން ފާހަގަކޮށްފައިވާކަންވެސް އޭނާ ފާހަގަ ކުރި އެވެ.