މަޖިލީހުގެ ވިސްނުން ހުރީ ރައީސްއަށް ހާއްސަ އިމްތިޔާޒެއް ދީގެން ކުށްކުރާމީހުން އަނބުރާ މުޖުތަމައަށް ގެނައުމަށް: މައުރޫފު

ރައްޔިތުންގެ މަޖިލީހުގެ ވިސްނުން ހުރީ ރައީސުލް ޖުމްހޫރިއްޔާއަށް ހާއްސަ އިމްތިޔާޒެއް ދީގެންނަމަވެސް ކުށްކުރާމީހުންގެ އަދަބު ލުއިކޮށްދީގެން ވެސް އެމީހުން އަނބުރާ މުޖުތަމައަށް ގެނަސް އެމީހުންނަކީ ބޭނުންތެރި ރައްޔިތުންގެ ގޮތުގައި ހެދުންމަށްކަމަށް ސަރުކާރު ހިންގާ ކޯޅީޝަންގައި ހިމެނޭ އެމްޑީއޭގެ ނައިބު ލީޑަރު އަދި ރައްޔިތުންގެ މަޖިލީހުގެ ކެނދި ކުޅުދޫ ދާއިރާގެ މެންބަރު އަލީ މައުރޫފު ވިދާޅުވެއްޖެ އެވެ.

ރައްޔިތުންގެ މަޖިލީހުގެ ވިސްނުން ހުރީ ރައީސުލް ޖުމްހޫރިއްޔާއަށް ހާއްސަ އިމްތިޔާޒެއް ދީގެންނަމަވެސް ކުށްކުރާމީހުންގެ އަދަބު ލުއިކޮށްދީގެން ވެސް އެމީހުން އަނބުރާ މުޖުތަމައަށް ގެނަސް އެމީހުންނަކީ ބޭނުންތެރި ރައްޔިތުންގެ ގޮތުގައި ހެދުންމަށްކަމަށް ސަރުކާރު ހިންގާ ކޯޅީޝަންގައި ހިމެނޭ އެމްޑީއޭގެ ނައިބު ލީޑަރު އަދި ރައްޔިތުންގެ މަޖިލީހުގެ ކެނދި ކުޅުދޫ ދާއިރާގެ މެންބަރު އަލީ މައުރޫފު ވިދާޅުވެއްޖެ އެވެ.

ޖިނާއީ ކުށެއްގެ ހުކުމް ތަންފީޒު ކުރާ މީހެއްގެ އަދަބުގެ ބާވަތް ބަދަލުކުރުމުގެ ބާރު ރައީސުލްޖުމްހޫރިއްޔާއަށް ލިބިދޭ ގޮތަށް މައާފް ދިނުމާއި އަދަބު ލުއިކޮށްދިނުމުގެ ގާނޫނަށް ރައްޔިތުންގެ މަޖިލީހުން ގެނައި އިސްލާހާ ބެގޭގޮތުން ވާހަކަ ދައްކަވަމުން އަލީ މައުރޫފު ވިދާޅުވީ، ރައީސުލް ޖުމްހޫރިއްޔާގެ ވިސްނުން ފުޅުވެސް ހުރީ ކުށްކުރާ މީހުން އިސްލާހްކޮށް މުޖުތަމައަށް ގެނައުމަށް ކަމަށެވެ.

އަލީ މައުރޫފު އަދި ވިދާޅުވީ، ޖަލުގަ މީހުންގިނަވުމަކީ ގައުމުގެ އިގްތިސޯދަށް ވެސް ވަރަށްބޮޑަށް އަސަރު ކުރާނެ ކަމެއް ކަމަށެވެ. އަދި ކުށްވެރިން ގިނަވުމަކީ ގައުމަށްވެސް ލިބޭ ވަރަށްބޮޑު މުސީބާތެއް ކަމަށްވެސް މައުރޫފު ވިދާޅުވި އެވެ.

އެ އިސްލާހާބެހޭގޮތުން އިތުރަށް އަލީ މައުރޫފު ވިދާޅުވީ، ހާކިމް ނުވަތަ ގައުމުގެ ވަލިއްޔުލް އަމުރަށް ހައްގުތަކެއް އޮންނަންޖެހޭ ކަމަށެވެ. އެއީ މޮޑަން ޑިމޮކްރެޓިކް ގައުމުތަކުގަ އާއި އިސްލާމީ ޝަރީއަތުގަވެސް އޮންނަ ގޮތްކަމަށް ވިދާޅުވި އެވެ. ރާއްޖޭގެ ޝަރުއީ އޮނިގަނޑު އެތުރިފަ އޮންނަ ގޮތުން ވެސް އެކަން އޮންނަނީ އެގޮތަށް ކަމަށާއި ބައެއް ކަންތައްތަކުގައި އެންމެ ފަހުބަސްބުނާ މީހެއްގެ ގޮތުގައި ހުންނަނީ ރައީސުލް ޖުމްހޫރިއްޔާ ކަމަށްވެސް އޭނާ ވިދާޅުވި އެވެ.