ފާރަ ބޭނުންކޮށްގެން ވެލިދޫގައި ގިނަ ޢަދަދެއްގެ ގެއާއި ތަންތަން ފާސްކޮށް މަސްތުވާތަކެތި ހޯދައިފި

ނ. ވެލިދޫ ކައުންސިލްގެ އެދުމުގެ މަތިން އެ ރަށުގެ ވެށި އަމާންކަމާއި ރައްކާތެރިކަމާއެކު ދެމެހެއްޓުމަށްޓަކައި ފުލުހުންގެ ގުނަންތައް ގުޅިގެން ނ. ވެލިދޫގައި ހިންގި އޮޕަރޭޝަންގައި ގިނަ ޢަދަދެއްގެ ގެއާއި ތަންތަން ބަލައި ފާސްކޮށް މަސްތުވާތަކެތި ހޯދައިފިއެވެ.

ނ. ވެލިދޫ ކައުންސިލްގެ އެދުމުގެ މަތިން އެ ރަށުގެ ވެށި އަމާންކަމާއި ރައްކާތެރިކަމާއެކު ދެމެހެއްޓުމަށްޓަކައި ފުލުހުންގެ ގުނަންތައް ގުޅިގެން ނ. ވެލިދޫގައި ހިންގި އޮޕަރޭޝަންގައި ގިނަ ޢަދަދެއްގެ ގެއާއި ތަންތަން ބަލައި ފާސްކޮށް މަސްތުވާތަކެތި ހޯދައިފިއެވެ.

ފުލުހުންގެ ސްޕްޝަލިސްޓް އޮަޕަރޭޝަންސްއާއި ފާރަ ގެމަ ބޭނުންކޮށްގެން ނ. ވެލިދޫ ޕޮލިސް ސްޓޭޝަނާ ގުޅިގެން މި ހިނގާ އޮގަސްޓް މަހުގެ 19 އަދި 20 ވަނަ ދުވަހު ހިންގި އޮޕަރޭޝަންގައި ގިނަ ޢަދަދެއްގެ ގެ އާއި، ޖިނާޢީ ކުށްތައް ހިންގާ ކަމަށް ފާހަގަކުރެވިފައިވާ ބައެއް ތަންތަން ބަލައި ފާސްކުރެވިފައިވެއެވެ. އެގޮތުން، ބަލައި ފާސްކުރެވުނު ބައެއް ގޭގެއިން މަސްތުވާތަކެތި ކަމަށްބެލެވޭ އެއްޗެއް ހުސްކޮށްފައިހުރި ފިލްމު ހުސްކުރި ދަޅުފަދަ ތަކެއްޗާއި މަސްތުވާތަކެތި ބަންދުކުރަން ބޭނުންކުރާ ބައެއް ސާމާނު ފެނިފައިވެއެވެ. އޭގެ އިތުރުން، ޖިނާޢީ ކުށްތައް ހިންގާ ކަމަށް ބެލެވޭ ބައެއް ތަންތަން ބަލައި ފާސްކުރިއިރު މަސްތުވާތަކެތި ކަމަށް ބެލެވޭ އެއްޗެއްހުރި ދަޅަކާއި މަސްތުވާތަކެތި ކަމަށް ބެލެވޭ އެއްޗެއްހުރި ޕެކެޓްތަކެއް ފެނިފައިވެއެވެ.

ނ. ވެލިދޫގައި ހިންގި މި އޮޕަރޭޝަނަކީ ބައެއް ރަށްރަށުގައި މަސްތުވާތަކެތި ބޭނުންކޮށް އެތަކެތީގެ ވިޔަފާރި ކުރުން އިތުރުވަމުންދިއުމާއި އެހެނިހެންވެސް ޖިނާޢީ ކުށްތައް ކުރުން އިތުރުވަމުންދާތީ އެ ރަށްރަށުގެ ކައުންސިލްތަކުން އެދިފައިވާ އެދުމާ އެއްގޮތަށް އެރަށްރަށުގެ ވެށި އަމާންކުރުމަށް ރަށްރަށުގެ ޕޮލިސް ސްޓޭޝަންތަކާއި އިންޓާނަލް ސެކިއުރިޓީ ކޮމާންޑާއި ކްރައިމް އިންވެސްޓިގޭޝަން ކޮމާންޑް ގުޅިގެން ރާއްޖޭގެ 3 ސަރަހައްދަކަށް އަމާޒުކޮށްގެން ހިންގަމުންދާ އޮޕަރޭޝަންތަކުގެ ތެރެއިން ހިންގުނު އޮޕަރޭޝަނެކެވެ.