އަައްޑޫ އަންހެނުންނަށް މަަސައްކަތްތެރިކަން ދަސްކޮށްދޭ ކޯހެއް ފަށައިފި

އައްޑޫ ސިޓީގެ އަންހެނުންނަކީ ގޭގައި ތިބެގެން މަސައްކަތް ކޮށްގެން އާމްދަނީ ހޯދޭނެ ބަޔަކަށް ހެދުމަށް މަސައްކަތްތެރިކަން ދަސްކޮށްދޭ ކޯހެއް ހިތަދޫގައި ފަށައިފިއެވެ.

އޯގަސްޓްމަހު 4 ވަނަ ދުވަހު ފެށި މިކޯހުގައި އައްޑޫގެ އެކި ރަށްރަށުން 53 މީހުން ބައިވެރިވެފައިވެއެވެ.

މިއީ އައްޑޫ އަންހެނުންގެ ތަރައްގީއަށް މަސައްކަތްކުރާ ޖަމިއްޔާއާއި އައްޑޫ ސިޓީކައުންސިލް ގުޅިގެން ހިންގާ ކޯހެކެވެ. މިކޯސް ހިންގުމަށް ބޭނުންވާ ހުރިހާ މެޝިނަރީޒް ހޯދައިދީފައިވަނީ ސިޓީ ކައުންސިލުން ކަމަށް ކޮމިޓީގެ ރައީސާ ފާތިމަތު ހަނީފާ ވިދާޅުވިއެވެ.

މިކޯހުގައި މައިގަނޑު ގޮތެއްގައި ދަސްކޮށްދޭނީ އުކަައިލާ ތަކެތި ބޭނުންކޮށްގެން ތަފާތު އެއްޗެހި ހެދުމަށެވެ. އެގޮތުން ބޮނބި، ނާށި، އިލާ ފަދަ ތަކެތި ބޭނުން ކޮށްގެން ތަފާތު އެއްޗެހި ހެދުމަށް ދަސްކޮށް ދޭނެއެވެ.

ކޯސް ނިމުމަށްފަހު އޮގަސްޓް ވިހިވަނަ ދުވަހު ކޯހުގެ ބައިވެރިން ތައްޔާރުކުރި ސާމާނު ދައްކާލުމުގެ މައުރަޒެއް އައްޑޫ ހައިސްކޫލުގައި ބޭއްވުމަށް މަސައްކަތް ކުރައްވާ ކަމަށް ފާތިމަތު ހަނީފާ ވިދާޅުވިއެވެ. މި މައުރަޒުން ތަކެތި ބައްލަވައިގަންނަވަން ބޭނުންވާ މީހުންނަށް އެފުރުސަތުވެސް އޮންނާނެ ކަމަށް ފާތިމާ ވިދާޅުވިއެވެ. ފ. ބިލެތްދޫ ތަޖުރިބާކާރު ބޭފުޅަކު ކިޔަވައިދެއްވާ މިކޯހުގައި ބައިވެރިން ތައްޔާރުކުރާ ތަކެއްޗާއި އެފަހުންވެސް އެމީހުން ތައްޔާރު ކުރާ ތަކެއްޗަށް މާކެޓް ހޯދައިދެނީ ސަބާ މޯލްޑިވްސްގެ ފަރާތުން ކަމަށް ފާތިމަތު ހަނީފާ ވިދާޅުވިއެވެ. އޭނާ ވިދާޅުވީ އައްޑޫ ސިޓީގައި ސަބާ މޯލްޑިވްސްގެ ގޮތްޕެއް ހުރެއެވެ. އެގޮފީގައި 330 މެންބަރުން ހިމެނޭ ކަމަށެވެ.

ފާތިމަތު ވިދާޅުވީ އައްޑޫ ސިޓީއަށް ލޯކަލް ޓޫރިޒަމް ތަޢާރަފް ވަމުން އަންނައިރު މިފަދަ މަސައްކަތްތެރިން ތިބުމަކީ ލޯކަލް ޓޫރިޒަމަށް ލިބިގެންދާނެ އިތުރު ދިރުމެއް ކަމަށެވެ.