ބޭރު މީހުންނަށް ބިން ވިއްކޭ އިސްލާހަށް ވޯޓު ދެއްވި އެމްޑީޕީ މެންބަރުން ބަދުނާމުކުރާއިރު ޕާޓީން އަޅާ ނުލާތީ ކަންބޮޑުވުން ފާޅުކޮށްފި

އެއްބިލިޔަން ޑޮލަރުގެ އިންވެސްޓަމަންޓަށް ރާއްޖޭގެ ބިން ބޭރުގެ ފަރާތްތަކަށް މިލްކުވާ ގޮތަށް ގާނޫނު އަސާސީ އަށް ގެނައި އިސްލާހު ފާސްކުރަން ވޯޓު ދެއްވި އެމްޑީޕީގެ މެމްބަރުން ބަދުނާމު ކުރަމުން ދާއިރު ވެސް، އެބޭފުޅުން ނިސްބަތްވާ ޕާޓީ (އެމްޑީޕީ) އިން އެކުމުގެ ހަގީގަތް ހާމަކޮށްދީފައި ނުވާތީ އެ އިސްލާހަށް ވޯޓު ދެއްވި މެމްބަރުން ކަންބޮޑުވުން ފާޅުކޮށްފި އެވެ.

އެއްބިލިޔަން ޑޮލަރުގެ އިންވެސްޓަމަންޓަށް ރާއްޖޭގެ ބިން ބޭރުގެ ފަރާތްތަކަށް މިލްކުވާ ގޮތަށް ގާނޫނު އަސާސީ އަށް ގެނައި އިސްލާހު ފާސްކުރަން ވޯޓު ދެއްވި އެމްޑީޕީގެ މެމްބަރުން ބަދުނާމު ކުރަމުން ދާއިރު ވެސް، އެބޭފުޅުން ނިސްބަތްވާ ޕާޓީ (އެމްޑީޕީ) އިން އެކުމުގެ ހަގީގަތް ހާމަކޮށްދީފައި ނުވާތީ އެ އިސްލާހަށް ވޯޓު ދެއްވި މެމްބަރުން ކަންބޮޑުވުން ފާޅުކޮށްފި އެވެ.

އެ ކަން ބޮޑުވުން ފާޅުކޮށް އެ އިސްލާހަށް ވޯޓު ދެއްވި މެމްބަރުން މިއަދު ނެއްރުވި ނޫސް ބަޔާނެއްގައި ވިދާޅުވެފައި ވަނީ ރާއްޖޭގެ ބިން ބޭރުގެ ފަރާތްތަކަށް މިލްކުވާ ގޮތަށް ގާނޫނު އަސާސީ އަށް ހުށަހެޅި އިސްލާހަށް ވޯޓު ދެއްވީ ސަރުކާރާއި އެމްޑީޕީއާ އެކު ކުރިއަށް ދިޔަ މަޝްވަރާގައި އެމްޑީޕީގެ ޕީޖީ ގްރޫޕުގެ ފަރާތުން މަޖިލިސް މެދުވެރިކޮށް ކޮށްދިނުމަށް އެއްބަސްވެފައިވާ ކަމަކަށް ވާތީ ކަމަށެވެ.

"އެމްޑީޕީގެ ރައީސް މުހައްމަދު ނަޝީދުގެ ފަރާތްޕުޅުންނާއި އެމްޑީޕީގެ ގައުމީ މަޖިލީހުންނާއި އެމްޑީޕީގެ ނޭޝަނަލް އެގެޒެކެޓިވް ކޮމެޓީންނާއި އެމްޑީޕީގެ ޕީޖީގެ އިއްތިފާގުން ސަރުކާރާ ނެގޯޝިއޭޓް ކުރުމުގެ އިހުތިޔާރާއި ބާރު ދެއްވާފައި ވަނީ ޕާޓީގެ ޕީޖީ ލީޑަރު އިބްރާހިމް މުހައްމަދު ސޯލިހު (އިބޫ) އަށެވެ. އެމަނިކުފާނާއި ސަރުކާރާ އެކު އެއްބަސްވެ ވަޑައިގެންނެވި ކަންތައްތައް ސީދާ ސާފުބަހުން ވަނީ ޕާޓީގެ ޕީޖީއާ ހިއްސާ ކޮށްދީފަ އެވެ. އަދި އަޅުގަނޑުމެން [އިސްލާހަށް ވޯޓު ދެއްވި މެމްބަރުން] ކައިރިން އެދިފައި ވަނީ ރައީސް އާއި ނައިބު ރައީސްގެ އުމުރު ފުރާއި ބަދަލުކުރުމަށް ވޯޓު ދިނުމަށާއި ނައިބު ރައީސް ޖަމީލުގެ އިތުބާރު ނެތް ކަމުގެ މައްސަލައަށް ވޯޓު ދިނުމަށާއި އާ ނައިބު ރައީސަށް ރުހުން ދިނުމަށާއި ބިމާ ބެހޭ ގާނޫނަށް ގެންނަ އިސްލާހަށް ވޯޓު ދެއްވުމަށެވެ." ބަޔާނުގައިވެ އެވެ.

ނަމަވެސް އެކަން އެގޮތަށް އޮއްވާ އެމްޑީޕީގެ ޕީޖީ ލީޑަރު އިބްރާހިމް މުހައްމަދު ސޯލިހު ޕީޖީ މެމްބަރުންގެ ކިބައިން އެދިވަޑައިގަތީ "ފުރީ ވިޕެއް" ނެރެދެއްވުމަށް ކަމަށް ވެސް އެ މެމްބަރުން ނެރުއްވި ބަޔާނުގައި ބުނެފައިވެ އެވެ.

އިސްލާހާ ދެކޮޅަށް ވޯޓު ދެއްވި އެމްޑީޕީ މެމްބަރުންނަކީ:

1. ގަލޮޅު އުތުރު ދާއިރާގެ މެމްބަރު އީވާ އަބްދުﷲ (އެމްޑީޕީ)2. ހިންނަވަރު ދާއިރާގެ މެމްބަރު އިބުރާހިމް މުހައްމަދު ސޯލިހު (އެމްޑީޕީ)3. މައްޗަންގޮޅި އުތުރު ދާއިރާގެ މެމްބަރު މާރިޔާ އަހުމަދު ދީދީ (އެމްޑީޕީ)4. މާފަންނު އުތުރު ދާއިރާގެ މެމްބަރު އިމްތިޔާޒު ފަހުމީ (އެމްޑީޕީ)5. މާފަންނު ހުޅަނގު ދާއިރާގެ މެމްބަރު މުހައްމަދު ފަލާހު (އެމްޑީޕީ)6. އައްޑޫ މީދޫ ދާއިރާގެ މެމްބަރު ރޮޒެއިނާ އާދަމް (އެމްޑީޕީ)7. ހިތަދޫ އުތުރު ދާއިރާގެ މެމްބަރު މުހައްމަދު އަސްލަމް (އެމްޑީޕީ)8. އަލިފުށި ދާއިރާގެ މެމްބަރު މުހައްމަދު ރަޝީދު ހުސައިން (އެމްޑީޕީ)9. ކޮމަންޑޫ ދާއިރާގެ މެމްބަރު އަހުމަދު ނާޝިދު (އެމްޑީޕީ)10. ގަމު ދާއިރާގެ މެމްބަރު ފައްޔާޒު އިސްމާއީލް (އެމްޑީޕީ)

އިސްލާހަށް ވޯޓު ދެއްވި އެމްޑީޕީ މެމްބަރުން ނެއްރުވި ބަޔާނުގައި ބުނެފައި ވަނީ ފުރީ ވިޕެއް ނެރުއްވުމަށް ޕާޓީގެ ޕީޖީ ލީޑަރު އެދިވަޑައިގަތީ ޕީޖީ ގްރޫޕުގައި ހިމެނިވަޑައިގަންނަވާ ދެ މެމްބަރަކު އެމްޑީޕީ ދޫކުރައްވާނެ ކަމުގެ އިންޒާރު ދެއްވުމުން ކަމަށެވެ. އަދި އެ އިސްލާހަށް ވޯޓު ދެއްވާ މެމްބަރުން ދިފާއު ކުރަން ޖެހިއްޖެ ނަމަ އާންމު ރައްޔިތުންނަށް ހަގީގަތް ހާމަކޮށްދެއްވާނެ ކަމަށް ވެސް ވިދާޅުވެފައިވާ ކަމަށް ބަޔާނުގައި ބުނެފައިވެ އެވެ.