ބޭރުގެ ފަރާތްތަކަށް ރާއްޖެއިން ބިން މިލްކު ކުރެވއިސްލާހު މަޖިލީހުން ފާސްކޮށްފި

ބޭރުގެ ފަރާތްތަކަށް ރާއްޖެއިން ބިން މިލްކު ކުރެވޭ ގޮތަށް ގާނޫނު އަސާސީއަށް ސަރުކާރުގެ ފަރާތުން ވިލިމާލޭ ދާއިރާގެ މެންބަރު އަހުމަދު ނިހާނު ހުސެއިން މަނިކު ހުށަހެޅުއްވި އިސްލާހު، މަޖިލީހުން ފާސްކޮށްފިއެވެ.

ބޭރުގެ ފަރާތްތަކަށް ރާއްޖެއިން ބިން މިލްކު ކުރެވޭ ގޮތަށް ގާނޫނު އަސާސީއަށް ސަރުކާރުގެ ފަރާތުން ވިލިމާލޭ ދާއިރާގެ މެންބަރު އަހުމަދު ނިހާނު ހުސެއިން މަނިކު ހުށަހެޅުއްވި އިސްލާހު، މަޖިލީހުން ފާސްކޮށްފިއެވެ.

މި އިސްލާހަކީ މިހާތަނަށް ގާނޫނުއަސާސީއަށް ގެނައި ދެވަނަ އިސްލާހެވެ.

ރައްޔިތުންގެ މަޖިލީހުގެ މިއަދުގެ ޖަލްސާގައި މި އިސްލާހު ފާސްވީ، 70 މެމްބަރުންގެ ވޯޓާއެކުއެވެ. މި އިސްލާހު ފާސްކުރުމާ ދެކޮޅަށް 14 މެމްބަރަކު ވޯޓު ދެއްވިއެވެ.

މި އިސްލާހުގައި ބުނެފައި ވަނީ ރާއްޖޭގެ ސަރަޙައްދުގެ ތެރޭގައި އެއް ބިލިއަން އެމެރިކާ ޑޮލަރު އިންވެސްޓްކުރާ ޕްރޮޖެކްޓްތަކަށް ބިމުގެ މިލްކުވެރިކަމުގެ ހައްޤު ދޫކުރެވޭނެ ކަމަށެވެ.

ނަމަވެސް، ބިން މިލްކު ކުރެވޭނީ ހަމައެކަނި ރައްޔިތުންގެ މަޖިލީހުން ފާސްކުރާ ޤާނޫނަކުން ހުއްދަ ކުރާ ޕްރޮޖެކްޓްތަކަށް ކަމަށް އެ ވެސް އިސްލާހުގައި ވެއެވެ.ނިހާން ހުށައެޅުއްވި އެ އިސްލާހުގައިވާ ގޮތުން، އިންވެސްޓަރުން، ޝަރުތުތަކާއެކު މިލްކުކުރާ ބިން އެހެން މީހެއްގެ މައްޗަށް މިލްކުކޮށް ދިނުމުގެ ހައްޤު މިލްކުވެރިޔާއަށް ލިބޭނެއެވެ. އަދި މިގޮތަށް މިލްކުކޮށް ދެވޭ ބިން ދަޢުލަތަށް ނަގަން ބޭނުންވެއްޖެ ހާލަތެއްގައި، ނެގޭނީ ކޯޓު ޙުކުމެއްގެ ދަށުން، ބިމުގެ މިލްކުވެރި ފަރާތަށް އަދުލުވެރި ބަދަލެއް ދިނުމަށްފަހު ކަމަށްވެސް ނިހާންގެ އިސްލާހުގައި ބުނެފައިވެއެވެ.

ގާނޫނު އަސާސީގައި މިހާރު ބުނެފައިވާ ގޮތުން ބޭރުގެ އެއްވެސް ފަރާތަކަށް ރާއްޖޭގެ އެއްވެސް ބިމެއް މިލްކުކޮށެއް ނުދެވޭނެ އެވެ.