އިތުބާރުނެތްކަމުގެ މައްސަލައަށް ޖަމީލު ޖަވާބުދާރީވެވަޑައިގަންނަވާނީ ލިއުމުންކަމަށް ބުނެފި

ނައިބު ރައީސްކަމުން ވަކި ކުރުމަށް ޑރ.މުހައްމަދު ޖަމީލު އަހުމަދާ ދެކޮޅަށް ރައްޔިތުންގެ މަޖިލީހަށް ހުށަހަޅާފައިވާ އިތުބާރު ނެތް ކަމުގެ މައްސަލަ އަށް، ލިޔުމުން ޖަވާބުދާރީވެވަޑައިގަތުމަށް ނައިބު ރައީސް މުހައްމަދު ޖަމީލް އަހުމަދު ނިންމަވައިފި އެވެ.

ނައިބު ރައީސްކަމުން ވަކި ކުރުމަށް ޑރ.މުހައްމަދު ޖަމީލު އަހުމަދާ ދެކޮޅަށް ރައްޔިތުންގެ މަޖިލީހަށް ހުށަހަޅާފައިވާ އިތުބާރު ނެތް ކަމުގެ މައްސަލަ އަށް، ލިޔުމުން ޖަވާބުދާރީވެވަޑައިގަތުމަށް ނައިބު ރައީސް މުހައްމަދު ޖަމީލް އަހުމަދު ނިންމަވައިފި އެވެ.

ޑރ.ޖަމީލާ ގުޅުން ހުރި އިސް ފަރާތަކާ ހަވާލާދީ މީޑިޔާތަކުގައި ބުނެފައިވަނީ، އިތުބާރު ނެތްކަމުގެ މައްސަލަ މަޖިލީހަށް ހުށަހެޅުމަށްފަހު ގާނޫނުއަސާސީގައި ބުނެފައިވާ ގޮތުގެ މަތިން ޖަވާބުދާރީވުމަށް ޖަމީލަށް ދީފައިވާ 14 ދުވަހުގެ ނޯޓިސްއަށް ނާއިބު ރައީސް ޖަވާބުދާރީވެވަޑައިގަންނަވާނީ، މިހާރުވެސް ހުންނެވި ގޮތަށް ރާއްޖެއިން ބޭރުގައި ހުންނަވައިގެން ކަމަށެވެ.

ހުސްވި ޖޫން މަހުގެ 30 ވަނަ ދުވަހު މަޖިލީހަށް ޖަވާބުދާރީ ވުމަށް ޑރ.ޖަމީލަށް ދީފައިވާ މުއްދަތު ހަމަވާނީ މިމަހު 13 އަށެވެ. ނަމަވެސް 61 މެންބަރުންގެ ސޮޔާއެކު ރައްޔިތުންގެ މަޖިލީހަށް ހުށަހަޅާފައިވާ އިތުބާރު ނެތްކަމުގެ މައްސަލަ މަޖިލީހުގައި ކުރިއަށް ގެންދިއުމަށް އެޖެންޑާކުރަނެ ދުވަހެއް އަދި ހާމަކޮށްފައެއްނުވެ އެވެ.

ގާނޫނުއަސާސީގައި ބުނާގޮތުގެ މަތިން ޑރ. ޖަމީލު ނާއިބުރައީސްކަމުގެ މަގާމުން ވަކި ކުރުމަށް ޖަމީލުގެ މައްޗަށް އިތުބާރު ނެތްކަމަށް ފާސްކުރަން މަޖިލީހުގެ މެންބަރުންގެ ތިންބައިކުޅަ ދެބައި މެންބަރުންގެ އަގުލަބިއްޔަތު ބޭނުން ވާނެ އެވެ. އެއީ މަޖިލީހުގައި މިހާރު ތިއްބެވި 85 މެންބަރުންގެ ތެރެއިން 57 މެންބަރުންގެ އަގުލަބިއްޔަތެވެ.

ނާއިބު ރައީސްކަމުގެ މަގާމު ޑރ.ޖަމީލު ވަކި ކުރެއްވުމަށްފަހު އެމަގާމަށް ޓޫރިޒަމް މިނިސްޓަރު އަހުމަދު އަދީބު އައްޔަން ކުރުމަށް ދަނީ މަސައްކަތް ކުރަމުންނެވެ.

ޑރ.ޖަމީލަށް އިތުބާރު ނުކުރައްވާކަމަށް ވިދާޅުވެ، ސަރުކާރާ ދެކޮޅަށް އިދިކޮޅު ފަރާތްތަކުން ކުރަމުންގެންދިޔަ މަސައްކަތްތަކުގައި ޑރ.ޖަމީލު ބައިވެރިވެ ވަޑައިގެންފައިވާކަގެ މައުލޫމާތުތަކެއް ރައީސް ޔާމީން ވަނީ ވެރިކަން ހިންގާ ކޯލީޝަންގެ ޕީޖީ ގްރޫޕާ ދާދިފަހުން ހިއްސާ ކުރައްވައިފަ އެވެ.