ވަކި މީހަކު ނާއިބުރައީސްކަމަށް ގެނައުމަށް ތާއީދުކޮށްފައެއްނުވާނެ: މައުމޫނު

ނާއިބު ރައީސްކަމުގެ މަގާމުގައި މިހާރު ހުންނެވި ޑރ.މުހައްމަދު ޖަމީލު އަހުމަދު މައްޗަށް އިތުބާރު ނެތްކަމުގެ ވޯޓްނަގައި މަގާމުން ދުރު ކުރުމަށްފަހު، ނައިބު ރައީސް ކަމަށް ވަކި ބޭފުޅަކު ގެންނަން ޕީޕީއެމްގެ ރައީސް އަދި ކުރީގެ ރައީސް މައުމޫނު އަބުދުލް ގައްޔޫމު ބާރު އަޅުއްވާ ކަމަށް ބުނެ ދައްކާ ވާހަކަތައް އެމަނިކުފާނު ދޮގު ކުރައްވައިފި އެވެ.

ނާއިބު ރައީސްކަމުގެ މަގާމުގައި މިހާރު ހުންނެވި ޑރ.މުހައްމަދު ޖަމީލު އަހުމަދު މައްޗަށް އިތުބާރު ނެތްކަމުގެ ވޯޓްނަގައި މަގާމުން ދުރު ކުރުމަށްފަހު، ނައިބު ރައީސް ކަމަށް ވަކި ބޭފުޅަކު ގެންނަން ޕީޕީއެމްގެ ރައީސް އަދި ކުރީގެ ރައީސް މައުމޫނު އަބުދުލް ގައްޔޫމު ބާރު އަޅުއްވާ ކަމަށް ބުނެ ދައްކާ ވާހަކަތައް އެމަނިކުފާނު ދޮގު ކުރައްވައިފި އެވެ.

ރޭ އެމަނިކުފާނު ކުރެއްވި ޓުވީޓެއްގައި ވިދާޅުވެފައިވަނީ، ނާއިބުރައީސްކަމަށް ވަކި މީހަކު ގެންނަން އެމަނިކުފާނު ތާއީދު ކުރައްވާފައި ނުވާނެ ކަމަށެވެ. މީގެ އިތުރުން ނައިބް ރައީސް ކަމުގެ މަގާމު ހުސްވެއްޖެ ނަމަ އެ މަގާމަށް ބޭފުޅަކު އައްޔަން ކުރުމަކީ ރައީސުލްޖުމްހޫރިއްޔާއަށް ގާނޫނު އަސާސީ އިން ލިބިދީފައިވާ ބާރެއް ކަމަށް ވެސް މައުމޫން ވިދާޅުވެފައިވެ އެވެ.

މައުމޫން ކުރެއްވި ޓްވީޓެއްގައި އެހެން ވިދާޅުވިއިރު، ނައިބު ރައީސް ކަމަށް ސަރުކާރު ކޯލިޝަން ޕާޓްނަރު އެމްޑީއޭގެ ލީޑަރު މީދޫ ދާއިރާގެ މެމްބަރު އަހުމަދު ސިޔާމް ގެންނަވަން މައުމޫން ތާއީދު ކުރައްވާ ކަމުގެ އަޑު ވަނީ ފެތުރިފަ އެވެ.

ނައީބު ރައީސްކަމުގެ މަގާމުން ޑރ. ޖަމީލު ވަކި ކުރުމަށްފަހު އެ މަގާމަށް ޓޫރިޒަން މިނިސްޓަރ އަހުމަދު އަދީބު އައްޔަން ކުރުމަށް އިދިކޮޅު މެންބަރުންނާއެކު ސަރުކާރު ހިންގާ ކޯލީޝަންގެ ޕީޖީ ގްރޫޕުން ދަނީ މަސައްކަތް ކުރަމުންނެވެ. ނަމަވެސް ޑރ.ޖަމީލު ނާއިބު ރައީސްކަމުން ދުރު ކުރުމަށް ހުރިހާ މެންބަރުންގެ ހިޔާލު އެއްގޮތް ނަމަވެސް ނާއިބު ރައީސްކަމުގެ މަގާމަށް އަދީބު ގެނައުމުގައި ހިޔާލު ތަފާތުވުންތަކެއް އުފެދިފައިވާކަމަށް ވަނީ އަޑު ފެތުރިފަ އެވެ. އެގޮތުން ބައެއްމެންބަރުންގެ ހިޔާލު ހުރީ އެމްޑީއޭގެ ލީޑަރު އަހުމަދު ސިޔާމު ނާއިބު ރައީސްކަމަށް ގެނައުމަށް ކަމަށްވެސް ވަނީ އަޑު ފެތުރިފަ އެވެ.

މަގާމުން ދުރު ކުރުމަށްޓަކައި ޑރ.ޖަމީލުގެ އިތުބާރު ނެތްކަމުގެ މައްސަލަ މަޖިލީހަށް ހުށަހެޅުއްމަށްފަހު އެ މައްސަލައަށް ޖަވާބުދާރީވުމަށް ޑރ. ޖަމީލަށް މިހާރު ވަނީ ނޯޓިސް ފޮނުވައިފަ އެވެ.