ނައިބު ރައީސްގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް ހުށަހަޅައިފި
30 ޖޫން 2015 13:21
ނައިބު ރައީސް މުހައްމަދު ޖަމީލް އަހުމަދުގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް މިއަދު ހުށަހަޅައިފި އެވެ. އެ މައްސަލަ މަޖިލީހަށް ހުށަހަޅާފައިވަނީ އެކަމަށް ބޭނުންވާ އަދަދަށް ރައްޔިތުންގެ މަޖިލީހުގެ މެންބަރުންގެ ސޮޔާއެކުގަ އެވެ.
ނައިބު ރައީސް މުހައްމަދު ޖަމީލް އަހުމަދުގެ އިތުބާރު ނެތްކަމުގެ މައްސަލަ ރައްޔިތުންގެ މަޖިލީހަށް މިއަދު ހުށަހަޅައިފި އެވެ. އެ މައްސަލަ މަޖިލީހަށް ހުށަހަޅާފައިވަނީ އެކަމަށް ބޭނުންވާ އަދަދަށް ރައްޔިތުންގެ މަޖިލީހުގެ މެންބަރުންގެ ސޮޔާއެކުގަ އެވެ.
އެ މައްސަލަ މަޖިލީހަށް ހުށަހެޅުމުގައި އިސްކޮށް ހަރަކާތްތެރިވެ ވަޑައިގަންނަވާ، ރައްޔިތުންގެ މަޖިލީހުގެ ބާރަށު ދާއިރާގެ މެންބަރު އިބްރާހިމް ސުޖާއު ވިދާޅުވީ، ނާއިބު ރައީސް މުހައްމަދު ޖަމީލުއަހުމަދުގެ މައްޗަށް އިތުބާރުނެތްކަމުގެ މައްސަލަ ސާބިތު ކުރުމަށް މަޖިލީހުގެ 57 މެންބަރުންގެ ވޯޓު ބޭނުންވާއިރު އެއަދަދަށްވުރެ ގިނަ މެންބަރު އެ މައްސަލަ މަޖިލީހަށް ހުށަހެޅުއްވުމަށް ސޮއިކުރައްވާފައިވާ ކަމަށެވެ. އެ ގޮތުން އެ މައްސަލަ މަޖިލީހަށް ހުށަހެޅުއްވީ މަޖިލީހުގެ 61 މެންބުންގެ ސޮޔާއެކުގައި ކަމަށްވެސް އޭނާ ވިދާޅުވި އެވެ.
އޭނާ އިތުރަށް ވިދާޅުވީ، އެ މައްސަލަ މަޖިލީހަށް ހުށަހެޅުއްވުމަށް ސަރުކާރު ކޯލީޝަނުގައި ހިމެނޭ ޕީޕީއެމާއި އެމްޑީއޭގެ މަޖިލިސް މެންބަރުންގެ އިތުރުން އިދިކޮޅު އެމްޑީޕީން ހަ މެންބަރަކާއި، ޖޭޕީގެ ފަސްމެންބަރުން ސޮއިކުރައްވާފައިވާ ކަމަށެވެ.
ނައިބު ރައީސް ޖަމީލްގެ އިތުބާރު ނެތްކަމުގެ މައްސަލަ މަޖިލީހަށް ފޮނުވިއިރު، އެ މަނިކުފާނު ސިއްހީ ބޭނުންފުޅަކަށް މިދިޔަ ބުރާސްފަތި ދުވަހު ލަންކާއަށް ވަަޑައިގަތުމަށް ފަހު، ވަނީ ކުއްލި ގޮތަކަށް އިނގިރޭސިވިލާތަށް ވަަޑައިގެންފަ އެވެ. އެ ދަތުރުފުޅުގައި އެ މަނިކުފާނުގެ ސެކިއުރިޓީން ވެސް ނުގެންދަވާ ކަމަށް އެނގިފައިވެ އެވެ.
ކިޔުންތެރިންގެ ހިޔާލު