މަސްތުވާތަކެތީގެ ވިޔަފާރި ކުރަމުންދިޔަ 4 ދިވެއްސަކު އަތުލައިގެންފި

ފުޅާ ދާއިރާއެއްގައި މަސްތުވާތަކެތީގެ ވިޔަފާރިކޮށް އޭގެ ބޭނުން ކުރަމުންދިޔަ ހަތަރު ދިވެހީން ފުލުހުން އަތުލައިގެންފިއެވެ.

ފުލުހުން އަތުލައިގެންފައިވަނީ ޢުމުރުން 37 އަހަރުގެ މީހަކާއި 34 އަހަރުގެ މީހަކާއި 25 އަހަރުގެ މީހަކާއި، 21 އަހަރުގެ މީހެކެވެ. މި މީހުން އަތުލައިގެންފައިވަނީ ހުޅުމާލޭގެ ގެސްޓްހައުސްއެއްގެ ކޮޓަރިއަކުންނެވެ.

ފުލުހުން ބުނެފައިވަނީ އެމީހުން އަތުލައިގަތީ އިންޓަރލިޖެންސަށް ލިބުނު މަޢުލޫމާތުގެ ބޭނުން ކޮށްގެން ކަމަށެވެ. އެމީހުން އަތުލައިގަތީ ކޯޓު އަމުރެއްވެސް ހޯދައިގެން ކަމަށް ފުލުހުން ބުންޏެވެ.

އެމީހުން އަތުލައިގެންފައިވަނީ އިއްޔެ ހަވީރު 4:00 އެހައިކަންހާއިރު ކަމަށްވެސް ފުލުހުން ބުންޏެވެ.

އެމީހުން ތިބި ކޮޓަރި ބަލައިފާސްކުރިއިރު، މަސްތުވާތަކެތި ކަމަށް ޝައްކު ކުރެވޭ އެއްޗެއްހުރި ބޮޑު ރަބަރު ޕެކެޓަކާއި ބަނގުރާ ހުސްކޮށްފައިހުރި ދެފުޅި ފެނިފައިވެއެވެ. އަދި މަސްތުވާތަކެތި ބަންދު ކުރުމަށް ބޭނުން ކުރާ ޒާތުގެ ބްލެޓް ސައިޒުގެ ހުސް ރަބަރު ކޮޅުތަކަކާއި ކުޑަ ކައްޓާއެއްވެސް ފެނިފައިވާ ކަމަށް ފުލުހުން ބުނެފައިވެއެވެ.

މި އެންމެންނަކީވެސް މަސްތުވާތަކެތީގެ މައްސަލަތަކުގެ ގިނަ ރެކޯޑު އޮންނަ މީހުން ކަމަށް ފުލުހުންވަނީ ބުނެފައެވެ.