ދެ ބޮނޑި ރޭޒަރުތިލަ ވަގަށް ނެގި މިޔާދަށް އެއްއަހަރުގެ ޖަލުހުކުމެއް

ދެހާސް ބާރަވަނަ އަހަރު ނޮވެމްބަރ 23 ވަނަ ދުވަހުގެ 18:30 ހާއިރު، “ހޯމް ޕްލާޒާ” ވައްކަންކުރި މީހެއްގެ މައްޗަށް އެއްއަހަރު ދުވަހުގެ ޖަލުޙުކުމެއް ކްރިމިނަލް ކޯޓުން އިއްވައިފިއެވެ.

މ.ނޮރަންމަ، ޙުސައިން މިޔާދުގެ މައްޗައް މިޙުކުމް އިއްވީ އެ ފިހާރައިން 710 ރުފިޔާގެ އަގުހުރި ޖިލެޓް ބްރޭންޑްގެ ދެ ބޮންޑި ރޭޒަރުތިލަ ވަގަށް ނެގިކަމަށް ޝަރީޢަތުގެ މަޖިލީހުގައި އިޢުތިރާފު ވުމުންނެވެ.

މިއީ ޢުމުރުން 35 އަހަރުގެ ޙުސައިން މިއާދުގެ މައްޗަށް މިބާވަތުގެ ކުށެއް ސާބިތުވި ފުރަތަމަ ފަހަރެވެ. އެހެން ކަމުން މި ކުށުގެ ޢުޤޫބާތެއްގެ ގޮތުން ޤާނޫނުލް އުޤޫބާތުގެ 131 ވަނަ މާއްދާގެ (ހ) ގެ ދަށުން 06 މަސްދުވަހުގެ މުއްދަތަށް ޖަލަށް ލުމަށް ޙުކުމް ކުރާ ކަމަށްވެސް ކޯޓުގެ ޙުކުމުގައި ވެއެވެ.

އޭނާ ވައްކަން ކޮށްފައި ވަނީ ފިހާރަކަކުން ކަމަށް ވާތީ ޤާނޫނުލް ޢުޤޫބާތުގެ 138 ވަނަ މާއްދާގެ ދަށުން އިތުރު 06 މަސްދުވަހަށް ޖަލަށް ލުމަށް ޙުކުމްކުރީ ކަމަށް ކޯޓުގެ ޙުކުމުގައި ބުނެފައިވެއެވެ.

މިޙުކުމް އޭނާގެ މައްޗަށް އިއްވާފައިވަނީ މެއިމަހުގެ 17 ވަނަ ދުވަހުއެވެ.