ޖިންސީ ގޯނާކުރުމާއި ގެވެށި އަނިޔާގެ މައްސަލަތައް 10 އިންސައްތަ އިތުރު ވެއްޖެ
18 މޭ 2015 18:29
ކުޑަކުދިންނަށް ކުރާ ޖިންސީ ގޯނާއަށް ހޭލުންތެރިކުރުމުގެ ގޮތުން ތައްޔާރުކޮށްފައިވާ ޕޯސްޓަރެއް -- ޕޮލިސް ފައިލް ފޮޓޯ
ޖިންސީ ގޯނާކުރުމުގެ މައްސަލަތަކާއި، ގެވެށި އަނިޔާގެ މައްސަލަތައް ފާއިތުވި އަހަރާ އަޅާބަލާއިރު މިއަހަރުގެ މިހާތަނަށް 10އިންސައްތަ ވަނީ އިތުރުވެފައެވެ.
ފުލުހުން އާންމުކުރި ތަފާސް ހިސާބުތަކުން ދައްކާ ގޮތުގައި ފާއިތުވި އަހަރުގެ މި މުއްދަތުގެ ތެރޭގައި ފުލުހުންނަށް ހުށަހަޅާފައިވަނީ ޖިންސީ ގޯނާކުރުމާއި، ގެވެށި އަނިޔާތަކާ ގުޅޭ 169 މައްސަލައެވެ. މިއަހަރުގެ މިހާތަނަށް އޭގެ 187 މައްސަލަ ހުށަހަޅާފައިވާ ކަމަށް ފުލުހުން ހާމަކޮށްފައިވެއެވެ.
ތަފާސް ހިސާބުތަކުން ދައްކާ ގޮތުގައި، މި މުއްދަތުގެ ތެރޭގައި 2014 ވަނަ އަހަރު ފުލުހުންނަށް ހުށަހެޅިފައިވާ ގެވެށި އަނިޔާގެ މައްސަލަތަކުގެ އަދަދަކީ 57 އެވެ. އަދި މިއަހަރުގެ މިމުއްދަތުގެ ތެރޭގައި އެބާވަތުގެ 110 މައްސަލަ ހުށަހަޅާފައިވެއެވެ.
މިއީ 93 އިންސައްތައިގެ އިތުރުވުމެކެވެ.ޖިންސީ ގޯނާއާއި ގެވެށި އަނިޔާގެ ޝިކާރައަކަށްވެ އުމުރުން 03 އަހަރުގެ ކުއްޖަކު ވަނީ މި އަހަރުގެ ކުރީކޮޅު ނިޔާވެފައެވެ.ވ.ރަކީދޫގައި ހިނގި މި ހާދިސާގައި ނިޔާވެފައިވާ މުޙައްމަދު އިބްތިހާލަށް ޖިންސީ އަނިޔާކޮށްފައި ވަނީ އޭނާގެ މަންމަ އާފިޔާ މުޙައްމަދާއި ދޮންކާފަ އިސްމާޢީލް ރައުފެވެ.
ކިޔުންތެރިންގެ ހިޔާލު