ނޭޕާލުގައި ދިރިއުޅެމުންދިޔަ މީހުންގެ ތެރެއިން 91 މީހުން ރޭ ރާއްޖެ ގެނެސްފި
29 ޢޭޕްރިލް 2015 23:49
ނޭޕާލަށް އައި ބާރުގަދަ ބިންހެލުމާ ގުޅިގެން އެޤައުމުގައި ދިރިިއުޅެމުންދާ 91 ދިވެހިން އަންގާރަދުވަހުގެރޭ މާލެ ގެނެސްފިއެވެ.
ރޭ މާލެ އައިސްފައިވާ މީހުން އައިސްފައިވަނީ ދެ ފުލައިޓެއްގައެވެ.
ނޭޕާލްގެ ބިރާތުނަގަރުން އިންޑިއާގެ ވެރިރަށް ދިއްލީއަށް ގޮސްފައިވާ 14 ދިވެހިން ރާއްޖެ ގެނެސްފައިވަނީ ސްރީލަންކަން އެއާލައިންސްގެ ބޯޓެއްގައެވެ. އެމީހުން އައިސްފައިވަނީ ރޭ ދަންވަރު 01:25 ގައެވެ.
ނޭޕާލްގެ ވެރިރަށް ކަތަމަންޑޫއާއި، އެޤައުމުގެ އެކި ސަރަޙައްދުތަކުގައި ތިބި 77 މީހުން މާލެއައިސްފައިވަނީ އެރޭ މެންދަމުން އަލިވެ 3:10 ގައެވެ. އެމީހުން އައިސްފައިވަނީ މޯލްޑިވިއަންގެ ޚާއްސަ ފްލައިޓަކުންނެވެ.
ރާއްޖެ ގެނެސްފައިވާ މީހުންނަކީ މިވަގުތު ރާއްޖެ އައުމަށް ބޭނުންވެފައިވާ މީހުން ކަމަށް ފޮރިން މިނިސްޓްރީންވަނީ ބުނެފައެވެ. އަދިވެސް ވިއްސަކަށް ދިވެހީން މިހާރުވެސް ނޭޕާލުގައި ދިރިއުޅެމުންދާކަމަށް އެމިނިސްޓްރީން ބުނެފައިވެއެވެ.
ކިޔުންތެރިންގެ ހިޔާލު