ޕީޕީއެމްއަށް މިއަދު ލިބުނު ކާމިޔާބީއަކީ އިދިކޮޅު އެންމެންގެ މައްޗަށް ހޯދުނު ކާމިޔާބީއެއް-އަދީބު
4 ޢޭޕްރިލް 2015 19:39
އާމިނަތު ޢަލީ
މިއަދު ބޭއްވި ރ. އަލިފުށީ ކައުންސިލްގެ ބައި އިލެކްޝަން ޕީޕީއެމްގެ ކެންޑިޑޭޓް އާމިނަތު ޢަލީއަށް ކާމިޔާބު ކުރެއްވުމަކީ އިދިކޮޅު އެންމެންގެ މައްޗަށް ހޯދުނު ކާމިޔާބީއެއް ކަމަށް ޕީޕީއެމްއިން ބުނެފިއެވެ.
ޕީޕީއެމްގެ ނާއިބު ރައީސް އަދި ޓޫރިޒަމް މިނިސްޓަރާ ޙަވާލާ ދީ "ހަވީރު" ގައި ބުނެފައިވަނީ އެކާމިޔާބީއަކީ އެމްޑީޕީގެއިތުރަށް ޢަދާލަތުޕާޓީއާއި، ޖޭޕީގެ މައްޗަށް ސަރުކާރަށް ހޯދުނު ބޮޑު ކާމިޔާބީއެއް ކަމަށެވެ.އެއީ "އިދިކޮޅު އެންމެންގެ މައްޗަށް ހޯދުނު ކާމިޔާބީއެއް. އެ ހުރިހާ ބޭފުޅުން އަލިފުށްޓަށް ވަޑައިގެން އަޅުގަނޑުމެންނާ ދެކޮޅަށް ކެމްޕެއިން ކުރައްވަނިކޮށް، މިފަދަ ކާމިޔާބީއެއް ލިބުމަކީ ފަޚުރުވެރިވާންޖެހޭ ވަރުގެ ކަމެއް،" އަދީބު ވިދާޅުވި ކަމަށް ހަވީރުއޮންލައިންގައި ބުނެފައިވެއެވެ.
މިއަދު ބޭއްވި ބައި އިލެކްޝަން އާމިނަތު ޢަލީ ކާމިޔާބު ކުރެއްވީ އިދިކޮޅު އެމްޑީޕީގެ ކެންޑިޑޭޓް ޢަލީ ޙަމީދާ ވާދަކުރައްވައި 685 ވޯޓު ހޯއްދަވައިގެންނެވެ. އެމްޑީޕީގެ ކެންްޑިޑޭޓަށް ލިބިވަޑައިގެންފައިވަނީ 490 ވޯޓެވެ.
އަލިފުށީ ކައުންސިލްގެ ގޮނޑި ހުސްވީ ކައުންސިލްގެ ޕީޕީއެމް މެންބަރު ޢަބްދުއް ލަތީފު ޢަބްދުއް ރަޙުމާން މަޤާމުން އިސްތިއުފާ ދެއްވުމުންނެވެ.
ކިޔުންތެރިންގެ ހިޔާލު