ފުލުހުން ހިންގާ އޮޕަރޭޝަންތަކަށް އެހީވާން ސިފައިން ނުކުމެއްޖެ
29 މާރޗް 2015 18:58
ސަލާމަތީ ކަންކަމާ ގުޅޭގޮތުން ފުލުހުންނާއި ސިފައިން މަޝްވަރާ ކުރަނީ-ފޮޓޯ ޕޮލިސް
މާލެ އާއި ރާއްޖޭގެ އެކި ސަރަޙައްދުތަކުގައި އަމަންއަމާންކަން ޤާއިމުކުރުމަށް ފުލުހުން ހިންގާ އޮޕަރޭޝަންތަކަށް އެހީވުމަށްޓަކައި ސިފައިން މަގުމައްޗަށް ނުކުމެއްޖެއެވެ.
ފުލުހުންނާއި ސިފައިން ގުޅިގެން މިއަދު ހަވީރު 6:00 އިން ފެށިގެން ޚާއްޞަ އޮޕަރޭޝަނެއް މާލެ އާއި ރާއްޖޭގެ އެކި ސަރަޙައްދުތަކުގައި ހިންގުމަށް ހަމަޖެހިފައިވާ ކަމަށް އެމްއެންޑީއެފްއިން ބުނެފައިވެއެވެ.
މި އޮޕަރޭޝަނުގައި އެއްގަމު އުޅަނދު ޗެކް ކުރުމާއި، ކަނޑުގެ އުޅަނދު ފަހަރުތައް ޗެކް ކުރުމުގެ އިތުރަށް މީހުން ބަލާ ފާސްކުރާނެ ކަމަށް އެމްއެންޑީއެފް އިން ހާމަކޮށްފައިވެއެވެ.
ފުލުހުންނަށް އެހީތެރިވުމުގެ ގޮތުން ސިފައިން ހިންގާ ޚާއްޞަ އޮޕަރޭޝަނަށް ރައްޔިތުންގެ އެހީތެރިކަމާއި އެއްބާރުލުން ބޭނުންވާ ކަމަށް އެމްއެންޑީއެފްއިން އިންވަނީ ބުނެފައެވެ. އާންމު ގޮތެއްގައި ފުލުހުންނަށް އެހީވުމަށް ސިފައިން ނިކުންނަނީ ފުލުހުންނަށް ދަތިވާ ހާލަތްތަކުގައެވެ. މާލެއާއި ބައެއް ރަަށްރަށުގައި މިދުވަސްވަރު ގެންދަނީ މާރާމާރީ ހިންގައިި މީހުންނަށް ތޫނުއެއްޗެހިން ހަމަލާދީ މަރަމުންނެވެ.
ރާއްޖޭގެ ސިޔާސީ މަސްރަހު އޮތްގޮތުން ކޮންމެެރެއަކު އިދިކޮޅު ފަރާތްތަކުން ގެންދަނީ މަގުމައްޗަށް ނިކުމެ ސަރުކާރު އިސްލާހު ވުމަށް ގޮވައިލަމުންނެވެ. މިފަަދަ އެއްވުންތަކާއި މުޒާހަރާތަކުގައި ބައެއް މީހުން މިހާރުވެސްވަނީ ހައްޔަރު ކޮށްފައެވެ.
އެމްއެންޑީއެފް ގެ މީޑިއާ އޮފިސަރ މޭޖަރ އަދުނާން މުޙައްމަދު ވިދާޅުވީ ސިފައިން މަގުމައްޗަށް ނުކުތީ ފުލުހުންގެ އެދުމުގެމަތީން ކަމަށެވެ. "މިއޮޕަރޭޝަނުގައި ފުލުހުންކުރާ ހުރީކަމެއްގައި ސިފައިންގެ އެހީތެރިކަން ލިބޭނެ،" އަދުނާން ވިދާޅުވިއެވެ.
ކިޔުންތެރިންގެ ހިޔާލު