މަސްތުވާތަކެއްޗާ ދެކޮޅަށް މަސައްކަތްކުރަން 5 ކުއްތާ މާލެގެނެސްފި
24 މާރޗް 2015 23:20
ގެންގުޅުމުގެ ތަޖުރިބާކާރަކު ކުއްތާއަކާއެކު-ފޮޓޯ-ޕޮލިސް
މަސްތުވާތަކެއްޗާ ދެކޮޅަށް ދިވެހި ފުލުހުން ކުރަމުން ގެންދާ މަސައްކަތްތަކަށް އެހީވުމަށް ރާއްޖެ ގެންނަ 16 ކުއްތާގެ ތެރެއިން 5 ކުއްތާ މިރޭ ރާއްޖެ ގެނެސްފިއެވެ.
މިކުއްތާތައް ރާއްޖެ ގެނައީ މެލޭޝިއަންއެއާލައިނުގެ ބޯޓަކުންނެވެ. ފަސް ކުއްތާއާއެކު ކުއްތާ ގެންގުޅުމުގެ ތަޖުރިބާކާރަކުވެސް އައެވެ. ކުއްތާ ގެންގުޅުމުގެ ތަމްރީންތައް ފުލުހުންނަށް އޭނާ ދޭނެއެވެ.
މިރޭ ގެނައި 5 ކުއްތާގެ ތެރޭގައި ހިމެނެނީ އަންހެން 3 ކުއްތާއި، ފިރިހެން 2 ކުއްތާއެވެ. ކުއްތާ ގެންނަން ފެށުމާއެކު އޭގެ އޮޕަރޭޝަންތައް ރަސްމީ ގޮތުން ފެށިގެން ދާނެ ކަމަށް ފުލުހުން ބުނެފައިވެއެވެ. އަދި އެއާ ގުޅޭ ތަމްރީންތައްވެސް ފަށާނެއެވެ.
ކުއްތާތައް ތިބުމަށް އެއާޕޯޓުގައިވަނީ ކެނަލެއް ހަދައިފައެވެ. މި ކުއްތާ ސްކޮޑަކީ އަށްޑިހަހާސް ޑޮލަރު ޚަރަދުކޮށްގެން ގެންނަ ކުއްތާއެވެ. މި ކުއްތާތަކަށް ކިޔާނެ ދިވެހިނަންތައް ހޯދުމަށް ފުލުހުންވަނީ ބަހުގެ އެކަަޑަމީގައި އެދިފައެވެ. އެކަން ވަރަށް އަވަހަށް ހަމަޖައްސާނެ ކަމަށް އެކަޑަމީން ބުނެފައިވެއެވެ.
ކިޔުންތެރިންގެ ހިޔާލު