ރައީސް ނަޝީދު 13 އަހަރަށް ޖަލަށް ލުމަށް ހުކުމްކޮށްފި
13 މާރޗް 2015 23:40
ރައީސް މުހައްމަދު ނަޝީދު 13 އަހަރަށް ޖަލަށް ލުމަށް ހުކުމްކޮށްފިއެވެ.
ރައީސް ނަޝީދުގެ މައްޗަށް ދައުލަތުން ވަނީ ޓެރަރިޒަމްގެ ދައުވާކޮށްފައެވެ. އެއީ ކުރިމިނަލް ކޯޓުގެ ކުރީގެ އިސްގާޒީ އަބްދުﷲ މުހައްމަދު ހައްޔަރުކޮށްގެން ގެންގުޅުނު މައްސަލައިގައެވެ.
ރައީސް ނަޝީދުގެ މައްޗަށް އިއްވާފައިވާ ހުކުމުގައި ބުނެފައި ވަނީ ދައުލަތުން ހުށަހެޅި ހެއްކާއި ގަރީނާ އަށް ބަލާއިރު ނަޝީދުގެ މައްޗަށް ޓެރަރިޒަމުގެ ކުށް ކުށް ސާބިތުވާ ކަމަށެވެ. ނަޝީދުގެ މައްޗަށް މީގެ ކުރިން ވައްކަމާއި ޝަރީއަތުގައި ދޮގު ވާހަކަ ދެއްކުމުގެ ކުށް ސާބިތުވެފައިވާ ކަމަށާއި ހެކިތަކަށް ބަލާއިރު މިކަމާ ދެކޮޅު ހެދޭނެ އެއްވެސް ޖާގައެއް ނެތް ކަމަށާއި ނަޝީދަކީ އަބްދުﷲ ގާޒީ ހައްޔަރު ކުރުމުގެ އިސް މޭސްތިރިކަން ސާބިތުވާ ކަމަށް ވެސް ހުކުމުގައިވޭ.
ތިން ފަނޑިޔާރުންގެ އިއްތިފާގުން ކުރި ހުކުމްގައި ބުނެފައި ވަނީ ޓެރަރިޒަމް މަނާ ކުރުމުގެ ގާނޫނުގެ ގާނޫނުގެ (2) ވަނަ މާއްދާގެ (ށ)ގެ ދަށުން ނަޝީދު ކުށްވެރިވެއްޖެ ކަމަށް ކަނޑައަޅައި، އެ ގާނޫނުގެ (6) ވަނަ މާއްދާގެ (ށ)ގެ ދަށުން ނަޝީދު 13 އަހަރަށް ޖަލަށް ލުމަށް ހުކުމް ކުރާ ކަމަށެވެ.
ނަމަވެސް ހުކުމުގައި ބުނެފައިވާ ކަންކަންކަމަކީ ދޮގު ކަމަށް ރައީސް ނަޝީދު ވަނީ ފާހަގަކުރައްވާފައިއެވެ.
އިތުރު ތަފްސީލު އަންނަނީ...
ކިޔުންތެރިންގެ ހިޔާލު