ހެލްތު މިނިސްޓަރަކަށް ޒުހޫރު އައްޔަނު ކުރައްވައިފި
10 މާރޗް 2015 17:03
މިނިސްޓަރ އޮފް ހެލްތުގެ މަގާމަށް މިއަދު ބޭފުޅަކު އައްޔަން ކުރައްވައިފިއެވެ.
އެމަގާމަށް ރައީސުލްޖުމްހޫރިއްޔާ އެމަގާމަށް އައްޔަން ކުރެއްވީ ހެންވޭރު، މާބަނޑޭރިއާގެ، އަޙްމަދު ޒުހޫރެވެ. އެމަނިކުފާނު އެމަގާމަށް އައްޔަން ކުރެއްވުމަށް ފަތްކޮޅު ދެއްވާފައިވަނީ ރައިސް އޮފީހުގައި މިއަދު ހެނދުނު ބޭއްވި ރަސްމިއްޔާތެއްގައެވެ.
ޒުުހޫރަށް މަޤާމުގެ ފަތްކޮޅު ދެއްވުމުގެ ކުރިން، އެމަނިކުފާނުވަނީ ވަޒީރުންގެ މަޖިލީހުގެ މެންބަރު ކަމުގެ ހުވައި ކުރައްވާފައެވެ. އެމަނިކުފާނު ހުވައި ކުރެއްވީ ދިވެހިރާއްޖޭގެ ހައިކޯޓުގެ އިސްފަނޑިޔާރު އޮނަރަބަލް އަލްއުސްތާޛު ޢަލީ ސަމީރުގެ ކުރިފުޅުމަތީގައެވެ.
ހުވައި ކުރެއްވުމަށްފަހު، ވަޒީރުންގެ މަޖިލީހުގެ މެންބަރުންގެ ހުވައިގެ އިޤްރާރުގައި އެމަނިކުފާނު ސޮއިކުރެއްވިއެވެ. ހެލްތު މިނިސްޓަރުގެ މަގާމަށް އެމަނިކުފާނު އައްޔަން ކުރެއްވީ އެމަގާމު ހުސްކޮށް އޮންނަތާ 8 މަސް ފަހުންނެވެ.
ކިޔުންތެރިންގެ ހިޔާލު