ކޮޓަރިތެރޭގައި ބަނގުރާ ކައްކަމުންދިޔަ ބަންގާޅު މީހަކު ހައްޔަރުކޮށްފި

މާލޭ ގެއެއްގެ ކޮޓަރިއެއްގައި ބަނގުރާ ކައްކަމުންދިޔަ ބަންގާޅު މީހަކު ފުލުހުންގެ ބެލުމުގެ ދަށަށް ގެންގޮފިއެވެ.

އުމުރުން 22 އަހަރުގެ އެމީހާ ހައްޔަރުކޮށްފައިވަނީ މިއަދު 11:20 އެހައިކަންހާއިރު ޑްރަގް އެންފޯސްމަންޓް ޑިޕާޓްމަންޓުން ހިންގި އޮޕަރޭޝަނެއްގައެވެ.

އެ ކޮޓަރި ބަލައިފާސްކުރުމުން ބަނގުރާކަމަށް ޝައްކުކުރެވޭ އެއްޗެއްހުރި 20 ލީޓަރުގެ 19 ހަމާއި 500 އެމްއެލްގެ 20 ފުޅިއާއި 5 ލީޓަރުގެ 5 ފުޅީގެ އިތުރުން 1.5 ގެ ފުޅިއާއި ބަނގުރާ ކެއްކުމަށް ބޭނުންކުރާ ސާމާނު ފެނިފައިވާ ކަމަށް ފުލުހުންވަނީ ބުނެފައެވެ. އެތަކެތިވެސްވަނީ ފުލުހުންގެ ބެލުމުގެ ދަށަށް ގެންގޮސްފައެވެ.

ޑްރަގް އެންފޯސްމަންޓް ޑިޕާޓްމަންޓުން ގެންދަނީ އެމައްސަލަ ތަހުގީގުކުރަމުން ކަމަށް ފުލުހުން ބުނެފައިވެއެވެ.