އެމްޑީޕީގެ އިސް ބޭފުޅުންތަކެއް ހައްޔަރުކޮށްފި
6 މާރޗް 2015 23:57
އެމްޑީޕީގެ ރައީސް މުހައްމަދު ނަޝީދު މިނިވަން ކުރުމަށް ގިވާލައި މާލޭގައި ކުރިއަށް ގެންދާ މުޒާހަރާގައި އެމްޑީޕީގެ އިސް ބޭފުޅުންތަކެއް ހައްޔަރުކޮށްފިއެވެ.
މިރޭގެ މުޒާހަރާގައި ހައްޔަރު ކޮށްފައިވާ އެމްޑީޕީގެ އިސް ބޭފުޅުންގެ ތެރޭގައި، އެމްޑީޕީގެ ނައިބު ރައީސް މުހައްދު ޝިފާޒް، ގަމު ދާއިރާގެ މެމްބަރު ފައްޔާޒު އިސްމާއިލްގެ އިތުރުން އެމްޑީޕީގެ ހުޅުދޫ ދާއިރާގެ ރައީސް އިލްޔާސް ލަބީބު ވެސް ހިމެނި ވަޑައިގަންނަވައެވެ.
އެމްޑީޕީން ކުރި މުޒާހަރާގައި ޖުމްލަ 14 މީހަކު މިރޭ ހައްޔަރުކޮށްފައިވެއެވެ.
"އިންޒާރުގެ އެއްވުން" ނަމުގައި އެމްޑީޕީން ފެށި މުޒާހަރާ މިރޭ ފަށާފައިވަނީ އާޓިފިޝަލް ބީޗުންނެވެ. އެއްވުމުގެ ބައިވެރިން އެންމެ ފުރަތަމަ އެއްވީ އަލޯރާ ފިހާރަ ކައިރިއަށާއި، މަޖިއްދާ ސްކޫލު ކައިރިއަށެވެ. އެ ސަރަހައްދުން ބައެއް މީހުން މުލިއާގެ ކައިރިއަށް ވެސް އެއްވެފައިވެއެވެ. އެހެން ނަމަވެސް ފުލުހުން ވަނީ މުޒާހަރާ ރޫޅާލައިފައެވެ. މުޒާހަރާ ރޫޅައިލުމާގުޅިގެން މުޒާހަރާގެ ބައިވެން ދެން އެއްވީ ޗާންދަނީ މަގާއި، މަޖީދީ މަގު ގުޅޭ ސަރަހައްދަށެވެ.
ކިޔުންތެރިންގެ ހިޔާލު