ދިވެހިރާއްޖޭގެ ކުޅިވަރުގެ ބިލު ރައްޔިތުންގެ މަޖިލީހަށް ފޮނުވައިފި
1 މާރޗް 2015 21:25
ދިވެހިރާއްޖޭގެ ކުޅިވަރުގެ ބިލު ރައްޔިތުންގެ މަޖިލީހަށް ހުށަހެޅުމަށްޓަކައި ސަރުކާރުން މިއަދު ފޮނުވައިފި ކަމަށް ރައީސް އޮފީހުން ބުނެފިއެވެ.
މި ބިލަކީ، ދިވެހިރާއްޖޭގެ ކުޅިވަރު ދާއިރާ ތަރައްޤީ ކުރުމަށާއި ކުޅިވަރުގައި ޙަރަކާތްތެރިވާ ފަރާތްތަކާއި ކްލަބް ޖަމްޢިއްޔާތައް ކުރިއެރުވުމަށާއި، ދިވެހިރާއްޖޭގައި ޙަރަކާތްތެރިވާ ކްލަބް، ޖަމްޢިއްޔާތައް ޒަމާނީ ފެންވަރުގައި ހިންގުމަށް އެހީތެރިވެ މަގުފަހިކޮށްދިނުމުގެ ބިލެވެ. އަދި މޯލްޑިވްސް އޮލިމްޕިކްސް ކޮމިޓީއާއި ކުޅިވަރު ކައުންސިލާއި މޯލްޑިވްސް ނޭޝަނަލް ސްޕޯޓްސް ލިމިޓެޑް ޤާއިމުކޮށް، އެ ތަންތަން ރެގިއުލޭޓްކުރުމުގެ އުޞޫލުތައް ބަޔާންކުރާ ބިލެކެވެ.
އޭގެ އިތުރަށް ސަރުކާރުގެ ކުޅިވަރު މެނިފެސްޓޯގައިވާ އެކިއެކި ކަންތައްތައް ތަންފީޛުކޮށް، މެނިފެސްޓޯގައިވާ ފަދައިން ޤައުމީ އަދި ރަށު ފެންވަރުގައި ވާދަވެރި އަދި އިޖުތިމާޢީ ކުޅިވަރާއި ޘަޤާފީ ޙަރަކާތްތައް ކުރިއަރުވައި، އެންމެންގެ ބައިވެރިވުމުން މުޅި ޤައުމު ތަރައްޤީކުރުމަށާއި އަދި ހުރިހާ އުމުރުފުރާގެ މީހުންގެމެ ޢާންމު ހަޔާތް މުއްސަނދި ކުރުވުމަށް މަގުފަހި ކުރުވުމަށް ބޭނުންވާ އުސޫލުތަކާއި ސިޔާސަތުތައްވެސް މި ބިލުގައި ކަނޑައަޅާފައިވާނެ ކަމަށް ރައީސް އޮފީހުން ބުނެފައިވެއެވެ.
ކިޔުންތެރިންގެ ހިޔާލު