ރައީސް ނަޝީދު ހައްޔަރުކޮށްފައިވާހައި ދުވަހަކު އެމަނިކުފާނުގެ ދިފާޢުގައި އެމްޑީޕީ ނިކުންނާނެ- ޝިފާޒު
28 ފެބްރުއަރީ 2015 23:36
އެމްޑީޕީގެ ރައީސް އަދި ރާއްޖޭގެ ކުރީގެ ރައީސް މުޙައްމަދު ނަޝީދު ހައްޔަރުކޮށްފައި ހުރިހާ ދުވަހަކު އެމަނިކުފާނުގެ ދިފާޢުގައި އެމްޑީޕީ ނިކުންނާނެ ކަމަށް އެޕާޓީގެ ނާއިބު ރައީސް މުޙައްމަދު ޝިފާޒު މިރޭ ވިދާޅުވެއްޖެއެވެ.
މިރޭ ބޭއްވި އެއްވުމުގައި ވާހަކަ ދައްކަވަމުން އޭނާ ވިދާޅުވީ ރައީސް ނަޝީދުގެ އިތުރަށް ދެންވެސް ހައްޔަރުކޮށްފައިވާ ސިޔާސީ ކުށްވެރިންގެ ދިފާޢުގައި އެމްޑީޕީ މަސައްކަތް ކުރާނެ ކަމަށެވެ. އޭނާ ވިދާޅުވީ އެމްޑީޕީއާއި ޖޭޕީން ހުކުރު ދުވަހު ބޭއްވި ހިނގާލުމުން ވެސް ރައީސް ޔާމިނަށް ތާއީދެއް ނެތްކަން ހާމަވެގެން ހިނގައްޖެ ކަމަށެވެ.
ޝިފާޒު ވިދާޅުވީ މިސަރުކާރުންދަނީ ވަރަށްގިނަ ކަންކަން ގާނޫނުންބޭރުން ކުރަމުން ކަމަށެވެ. އެހެން ކަމުން މިސަރުކާރު މިހާރު ބަދަލުކުރަން ޖެހޭ ކަމަށެވެ. ސަރުކާރު ބަދަލުކުރުމުގެ މަސައްކަތްކުރަން ޖޭޕީއާއި އެމްޑީޕީން ބޭނުންވަނީ ޤާނޫނީ އިމުގެ ތެރެއިން ކަމަށްވެސް އޭނާ ވިދާޅުވިއެވެ.
ޝިފާޒު ވިދާޅުވީ ރައީސް ޔާމީން ވެރިކަމުގައި ހުންނެވުމަށް ބޭނުން ނުވާ ބައިވަރު މީހުން އެބަތިބިކަން ހުކުރުދުވަހުގެ އެއްވުމުންވެސް ހާމަވެއްޖެ ކަމަށެވެ. އެހެން ކަމުން ރައީސް ޔާމީން އިސްތުއުފާ ދެއްވަން އެބަޖެހޭ ކަމަށްވެސް ވިދާޅުވިއެވެ.
ކިޔުންތެރިންގެ ހިޔާލު