މަޣުރިބު ނަމާދުގެ ކުރިން މުޒާހަރާ ނިންމާފައި މީހުން ގޭގެއަށްދާނެ- ޖޭޕީ
27 ފެބްރުއަރީ 2015 16:27
އެމްޑީޕީއާއި، ޖޭޕީ ގުޅިގެން މިއަދު ބާއްވާ މުޒާހަރާ މަޣުރިބު ނަމާދުގެ ކުރިން ނިންމާލައި ގޭގެއަށްދާނެ ކަމަށް ޖުމްހޫރީޕާޓީ (ޖޭޕީ) އިން ބުނެފިއެވެ.
ޖޭޕީން މިހެން ބުނެފައިވަނީ އެޕާޓީން ނެރެފައިވާ ނޫސް ބަޔާނެއްގައެވެ. އެބަޔާނުގައި ބުނެފައިވަނީ މިއަދުގެ މުޒާހަރާއަކީ ރައްޔިތުންގެ ޝުޢޫރު ސަރުކާރަށް އިއްވުމަށް ބާއްވާ ސުލްހަވެރި މުޒާހަރާއެއް ކަމަށެވެ.
އޭގައި ބުނެފައިވަނީ ހަވީރު ހައެއް ޖަހާއިރު މުޒާހަރާ ނިންމާލުމަހު ހިނގާ އެއްވެސް ކަމަކީ އެމްޑީޕީ އާއި ޖޭޕީއާ ގުޅުން ހުރި ކަމެއް ނޫން ކަމަށްވެސް ބުނެފައިވެއެވެ. މުޒާހަރާ ނިންމުމަށްފަހު ހިނގާ އެއްވެސް ކަމެއްގައި އެދެޕާޓީ ޒިންމާ ނުވާނެ ކަމަށްވެސް ބުނެފައިވެއެވެ.
އެބަޔާނުގައި ބުނެފައިވަނީ މި މުޒާހަރާގައި ސަރުކާރު ވައްޓައިލުމުގެ އެއްވެސް ކަމެއް ނުކުރާނެ ކަމަށެވެ.
މުޒާހަރާ ފެށުމަށް އުސްފަސްގަނޑު ސަރަހައްދުގައި ދަނީ ސަފުތައް ހަދައި ތައްޔާރުވަމުންނެވެ. އެއްވެތިބި މީހުންގެ އަތުން ވަރަށްގިނަ ޢަދަދަކަށް ޤައުމީ ދިދަ ފެންނަން އެބަހުއްޓެވެ.
އުސްފަސްގަނޑު ސަރަހައްދަށް އެސްއޯ ފުލުހުން މިހާރުވަނީ ގޮސްފައެވެ. ގާތްގަނޑަކަށް 4 ވެހިކަލުގައި ފުލުހުންވަނީ އެސަރަޙައްދަށް ގޮސްފައެވެ. ފުލުހުން އެސަރަޙައްދަށް ގޮސްފައިވަނީ ހިނގައިފާނެ ހަަމަނުޖެހުމަކަށް ސަމާލުވުމަށެވެ.
ކިޔުންތެރިންގެ ހިޔާލު