ދަށުކޯޓުން ނާޒިމްގެ މައްޗަށް ނެރުނު ދެއަމުރަށްވެސް ހައިކޯޓުން ތާއިދުކޮށްފި
19 ފެބްރުއަރީ 2015 15:10
ކުރީގެ ޑިފެންސް މިނިސްޓަރ މުޙައްމަދު ނާޒިމް ގެ މައްޗަށް ކްރިމިނަލް ކޯޓުން ނެރުނު ދެއަމުރަށްވެސް ހައިކޯޓުން މިއަދު ތާއީދު ކޮށްފިއެވެ.
މިދެއަމުރަށް ހައިކޯޓުން މިއަދު ތާއިދު ކުރީ ނާޒިމްގެ ވަކީލުން އެމައްސަލަ ހައިކޯޓުގައި އިސްތިއުނާފް ކުރުމުން އެކަން ބެލުމަށްފަހު މިއަދު ކުރި ހުކުމުގައެވެ. ހައިކޯޓުން ނިންމައިފައިވަނީ އެދެއަމުރުވެސް ބާތިލް ކޮށްދެވޭނެ ތަނެއްނެތް ކަމަށެވެ.
ނާޒިމްގެ ޤާނޫނީ ވަކީލުންގެ ޓީމުން މިހާރުވަނީ މިމައްސަލަ ސްޕްރީމް ކޯޓުގައި އިސްތިއުނާފް ކުރުމަށް ނިންމާފައެވެ.
ނާޒިމްގެ ގެެއަށް ފުލުހުންވަދެ އެގެއިން ފިސްތޯލައަކާއި 3 ވަޒަން ހޯދާފައިވަނީ ހުސްވި ޖެނުއަރީމަހުގެ 17 ވަނަ ދުވަހުގެ ދަންވަރުއެވެ. އެރޭ އޭހައްޔަރު ކޮށްފައެއް ނުވެއެވެ. ނަމަވެސް ފަހުން އޭނާ ހައްޔަރުކޮށްފައިވަނީ ދައުލަތާ އިދިކޮޅު އަމަލެއް ހިންގަން އުޅޭ ކަމުގެ ތުހުމަތުގައެވެ. އޭނާ ހައްޔަރުކޮށްފައިވަނީ ފެބުރުއަރީ މަހުގެ 9 ވަނަ ދުވަހުގެރޭ ދަންވަރުއެވެ.
ކިޔުންތެރިންގެ ހިޔާލު