އިންޑިއާގެ އެހީތެރިކަމަށް ރައީސް ނަޝީދު އެދިވަޑައިގެންފި
12 ފެބްރުއަރީ 2015 15:57
އިންޑިއާގެ އެހީތެރިކަމަށް އެމްޑީޕީގެ ރައީސް މުހައްމަދު ނަޝީދު އެދިވަޑައިގެންފިއެވެ.
"އިންޑިއާ ޓުޑޭ" އަށް ދެއްވި އިނޓަވިއުއެއްގައި ރައީސް ނަޝީދު ވިދާޅުވީ، އެމަނިކުފާނުގެ އުމުރުގެ ބާކީ އޮތް ބައި ޖަލުގައި ހޭދަކުރައްވަން ބޭނުންފުޅު ނުވާކަމަށެވެ. އެގޮތުން ސަރުކާރުން އެމަނިކުފާނު ޖަލަށް ލުމަށް މަސައްކަތްކުރާ ކަރަމުން އަންނައިރު، އެ މައްސަލައިގައި އިންޑިއާގެ އެހީތެރިކަން ދެއްވުމަށް ނަޝީދު ވަނީ އެދިވަޑައިގެންފައިއެވެ.
ހައްޔަރުކުރަން ބޭނުންވާ މީހުންގެ ލިސްޓެއް ސަރުކާރުން ގެންގުޅޭ ކަމަށް ވެސް ނަޝީދު ވިދާޅުވިއެވެ. އެހެންކަމުން ރާއްޖޭގައި ހިނގާ ކަންކަން ގާތުން ބަލައި އޮޅުން ފިލުވުމަށް ވެސް ނަޝީދު ވަނީ އެދިވަޑައިގެންފައެވެ. އެ މައްސަލައިގައި އިންޑިއާގެ ޕްރައިމް މިނިސްޓަރ ނަރެންދުރަ މޯދީއާ ބައްދަލުކުރައްވާނެ ކަމަށް ވެސް ނަޝީދު ވަނީ ވިދާޅުވެފައެވެ.
ކިޔުންތެރިންގެ ހިޔާލު