ރައީސް ނަޝީދު ހުށަހެޅުއްވި މައްސަލަ ބެލޭކަށް ނެތް: ހައިކޯޓު
9 ފެބްރުއަރީ 2015 13:00
ހުޅުމާލޭ ކޯޓުގެ ބެންޗު އެކުލަވާލާފައިވަނީ، ގާނޫނާ ހިލާފަށްކަމަށް ވިދާޅުވެ ރައީސް މުހައްމަދު ނަޝީދު ހައިކޯޓަށް ހުށަހަޅުއްވާފައިވާ މައްސަލަ ހައިކޯޓަށް ބެލެން ނެތްކަމަށް ކަނޑައަޅައިފިއެވެ.
ހައިކޯޓުން މިގޮތަށް ނިންމާފައިވަނީ، ރައީސް ނަޝީދުގެ ވެރިކަމުގައި ހުޅުމާލޭ ކޯޓުގެ އިސްގާޒީ އަބްދުﷲ މުހައްމަދު އެކަހަރިކޮށްފައި ބެހެއްޓި މައްސަލައިގައި ޖުޑީސަލް ސާވިސް ކޮމިޝަން (ޖޭއެސްސީ) އިން ހުޅުމާލޭ ކޯޓުގެ ބެންޗުއެކުލަވައިލީ، ސުޕްރީމް ކޯޓުގެ ލަފާގެ މަތިން ކަމަށް ބުނެ އެ ކޮމިޝަނުން ހުށަހަޅާފައިވާ އިޖުރާއީ ނުކުތާއަށް ރިއާއަތްކޮށެވެ.
ހައިކޯޓުން މީގެ ކުރިން ވަނީ ހުޅުމާލޭ ކޯޓުގައި ހިގަމުން އަންނަ ރައީސް ނަޝީދުގެ މައްސަލަ ވަގީތީގޮތުން ހުއްޓައިލުމަށް އަމުރުކޮށްފައެވެ. އެހެން ނަމަވެސް އެ މައްސަލަ ބެލެން ނެތްކަމަށް ހައިކޯޓުން ނިންމުމާ ގުޅިގެން ހުޅުމާލެ ކޯޓުގެ މައްޗަށް ހައިކޯޓުން ކޮށްފައިވާ އަމުރުވެސް މިހާރު ވަނީ ބާތިލުވެފައިއެވެ.
ކިޔުންތެރިންގެ ހިޔާލު