ޖުމްހޫރީ ޕާޓީއާއި އެމްޑީޕީގެ އެއްބަސްވުމުގެ ސަބަބުން ރައްޔިތުންނަށް އުފާފާގަތިކަން ގެނެސްދޭނެ: އަމީން
5 ފެބްރުއަރީ 2015 9:51
ޖުމްހޫރީ ޕާޓީއާއި އެމްޑީޕީގެ އެއްބަސްވުމުގެ ސަބަބުން ރައްޔިތުންނަށް އުފާފާގަތިކަން ގެނެސްދޭނެކަމަށް ޖުމްހޫރީ ޕާޓީގެ ނައިބު ލީޑަރު އަމީން އިބްރާހިމް ވިދާޅުވެއްޖެއެވެ.
ޖުމްހޫރީ ޕާޓީގެ ކައުންސިލުން ރޭ ބޭއްވި ބައްދަލުވުމަކަށްފަހު މީޑިއާއި ވާހަކަ ދައްކަވަމުން އަމީން ވިދާޅުވީ، ދެ ޕާޓީން އެއްބަސް އެއްބަސް ވުމަށް ނިންމާފައިވަނީ ގާނޫނު އަސާސީ ހިމާޔަތްކޮށް އަސާސީ ހައްގުތައް ހިމަޔާތްކުރުމުގެ ބޭނުމުގައި ކަމަށެވެ.
"ދެ ޕާޓީގެ އެއްބަސްވުމުގެ ސަބަބުން ރައްޔިތުންނަށް އުފާފާގަތިކަން ގެނެސްދޭނެ. އެގޮތަށް މެދުވެރިވަނީ ދެ ޕާޓީން ވެފައިވާ އެއްބަސްވުމުގެ ސަބަބުން ރައްޔިތުންނަށްގެ ހައްގުތައް ހިމާޔަތްވާތީ،" އަމީން ވިދާޅުވިއެވެ.
އަމީން ވިދާޅުވީ އެއްބަސްވުމުގެ ސަބަބުން ކުރިއަށް އޮތްތަނުގައި ދެ ޕާޓީން އަމަލުކުރާނެ ވަކި ކަންތައްތަކެއް ކަނޑައެޅިގެން ނުދާނެކަމަށެވެ. އަދި އެއީ ދެ ޕާޓީގެ ދެމެދުގައި އުފެދޭ ރަސްމީ އިއްތިހާދެއް ކަމަށް ނުބެލެވޭކަމަށް ވެސް އޭނާ ވިދާޅުވިއެވެ.
ޖުމްހޫރީ ޕާޓީގެ ފަރާތުން ގާނޫނު އަސާސީގެ ހިމާޔަތުގައި މަސައްކަތް ކުރުމަށް އެއްބަސްވުމަށް ބާއްވާ ޖަލްސާ މިރޭ އަލިމަސްކާނިވާ ސަރަހައްދުގައި ބޭއްވުމަށް ވަނީ ނިންމައިފައެވެ. އެ ޖަލްސާގައި ދެ ޕާޓީގެ އިސްވެރިންވެސް ބައިވެރިވެ ވަޑައިގަންނަވާނެއެވެ.
މިދިޔަ އަންގާރަ ދުވަހުގެ ރޭ މާލޭގައި ހުންނަ ސީގަލް ރެސްޓޯރަންޓު ކަން މަތީގައި ވެސް ދެ ޕާޓީ ގުޅިގެން ކަންމަތީ ބައްދަލުވުމެއް ވަނީ ބާއްވައިފައެވެ. އެ ބައްދަލުވުމުގައި ގާސިމް އިބްރާހިމާއި، ރައީސް ނަޝީދަށް ވާދަނުކުރެވޭ ފަދަ ރިޔާސީ އިންތިހާބެއް ރާއްޖޭގައި ނުބޭއްވޭނެކަމަށް ބުނެ ދެ ޕާޓީގެ ފަރާތުން ވެސް އަޑު އުފުލާފައިވެއެވެ.
ކިޔުންތެރިންގެ ހިޔާލު