ބީޖޭޕީއާއި ޕީޕީއެމްގެ ގުޅުން ބަދަހިކުރުމަށް މަސައްކަތް ކުރާނަން: ރައީސް މައުމޫނު
3 ފެބްރުއަރީ 2015 10:36
އިންޑިއާގެ ވެރިކަން ކުރާ ބަހާރަތިޔާ ޖަނަތާ ޕާޓީ (ބީޖޭޕީ) އާއި ރާއްޖޭގައި ވެރިކަންކުރާ ޕްރޮގްރެސިވް ޕާޓީއޮފް މޯލްޑިވިސް (ޕީޕީއެމް) ގެ ގުޅުން ބަދަހިކުރަން މަސައްކަތް ކުރައްވާނެކަމަށް ރައީސް މައުމޫނު އަބްދުލްގައްޔޫމް ވިދާޅުވެއްޖެއެވެ.
އިންޑިއާގައި ބާއްވާ "ދިއްލީ ސަސްޓެއިނަބަލް ޑިވެލޮޕްމެންޓް ސަމިޓް" ގައި ބައިވެރިވެ ވަޑައިގަތުމަށް މިއަދު ހެނދުނު މާލެއިން ފުރައި ވަޑައިގަތުމުގެ ކުރިން ނޫސްވެރިންނާ ބައްދަލުކުރައްވައި ރައީސް މައުމޫނު ވިދާޅުވީ، ސަމިޓުގެ އިތުރުން އިންޑިއާގެ ރައީސް ނަރެންދްރަ މޯޑީ އާއި ބައްދަލު ކުރައްވާނެކަމަށެވެ. މޯޑިއާއި ބައްދަލުކުރަވައި ދެ ޕާޓީގެ ގުޅުން ބަދަހިކުރުމަށް ވާހަކަ ދައްކަވާނެކަމަށް ވެސް ރައީސް މައުމޫނު ވިދާޅުވިއެވެ. މޯޑީއާއި ބައްދަލު ކުރައްވާނީ ޕީޕީއެމްގެ ޒައީމްގެ ހައިސިއްޔަތުން ކަމަށް ވެސް ރައީސް މައުމޫނު ވިދާޅުވިއެވެ.
"ދިއްލީ ސަސްޓެއިނަބަލް ޑިވެލޮޕްމެންޓް ސަމިޓް" އަކީ އިންޑިއާގެ ނިއު ދިއްލީގައި ބާއްވާ ތިމާވެއްޓާއި ގުޅާ ބައިނަލް އަގުވާމީ ސަމިޓެކެވެ.
ކިޔުންތެރިންގެ ހިޔާލު