ކޭޝިއަރުންނަށް ދިވެހިން ހަމަޖެއްސުމުން 7000 ވަޒިފާ އުފެދޭނެ: އިކޮނޮމިކް މިނިސްޓްރީ
31 ޖެނުއަރީ 2015 12:33
އަންނަ އޭޕްރީލް މަހުން ފެށިގެން ވިޔަފާރި ކުރާތަންތަނުގެ ކޭޝިއަރުންނަށް ބިދޭސީންނަށް ނުތިބެވޭގޮތަށް ހަމަޖެއްސުމުން 2000 އާއި 7000 އާއި ދެމެދުގެ އަދަކަށް ވަޒީފާތައް އުފެދޭނެކެމަށް އެކޮނޮމިކް މިނިސްޓްރީން ބުނެފިއެވެ.
އިކޮނޮމިކް މިނިސްޓްރީން ބުނީ ދިވެހި 2000 ކޭޝިއަރުން ތަމްރީނު ކުރުމުގެ މަސައްކަތް ކުރުމަށް އެމިނިސްޓްރީން ހަމަޖައްސާފައިވާކަމަށެވެ، އަދި ކުރިއަށް އޮތް ތަނުގައި އިތުރު ކޭޝިއަރުން ތަންރީނުކުރަމުން ގެންދާނެކަމަށެވެ.
ކޭޝިއަރުކަން ކުރަން ބޭނުންވާ ދިވެހިން އިކޮނޮމިކް މިނިސްޓްރީއަށް ގުޅައި ނަން ނޯޓުކުރަމުން ގެންދިއުމަށް ވެސް އެމިނިސްޓްރީން ވަނީ އެދިފައެވެ. އެފަދަ ވަޒީފާތައް ހޯދުމުގައި ދަތިވާނަމަ އެ މިނިސްޓްރީއަށް ރިޕޯޓުކުރުމަށް ވެސް އެދެއެވެ.
އަންނަ އޭޕްރީލް މަހުން ފެށިގެން ވިޔަފާރި ކުރާތަންތަނުގައި ކޭޝިއަރުންގެ ގޮތުގައި ބިދޭސީން ތިބުން ވަނީ މަނާކޮށްފައެވެ. ރިޔާސީ ދައުރު ހަމަވުމުގެ ކުރިން 95000 ވަޒީފާ އުފައްދަވާނެކަމަށް ރައީސުލްޖުމްހޫރިއްޔާ އަބްދުﷲ ޔާމިން ވަނީ ވައުދުވެވަޑައިގެންފައެވެ.
ކިޔުންތެރިންގެ ހިޔާލު