ނާޒިމްގެ އެޕާޓުމަންޓުން ފެނުނު ހަތިޔާރުތަކުގެ ފޯޓޯ އާންމުކޮށްފި
29 ޖެނުއަރީ 2015 16:05
ކުރީގެ ޑިފެންސް މިނިސްޓަރ މުހައްމަދު ނާޒިމް ދިރިއުޅުއްވާ އެޕާޓުމަންޓު ބަލައި ފާސްކުރިއިރު ފެނުނުކަމަށް ބުނާ ހަތިޔާރުތަކުގެ ފޯޓޯ ފުލުހުން އާންމުކޮށްފިއެވެ.
މިމަހުގެ 18 ވަނަ ދުވަހުގެ މެންދަމު ފުލުހުން ބަލައި ފާސްކުރުމަށްފަހު ހޯދާފައިވަނީ، ނުވައެއް އެމްއެމް ޕިސްޓޯލްއަކާއި މެގަޒިން އަކާއި އެއާއި ގުޅޭ ތިން ވަޒަނާއި ގޮވާ ތަކެތި ކަމަށް ބެލެވޭ ގޮތަށް ތައްޔާރުކޮށްފައިވާ އެއްޗަކާއި ޕެންޑްރައިވެއް ކަމަށް ފުލުހުން ބުނެއެވެ.
ފުލުހުން ބުނެފައިވަނީ އެގޭތެރެއިން ފެނުނު ހަތިޔާރަކީ ގިނަބަޔަކަށް ގެންލުންދެވޭފަދަ ހަތިޔާރުތަކެވެ.
ނުރައްކާތެރި ހަތިޔާރު ފެނުނު މައްސަލައިގައި ނާޒިމް ހައްޔަރުނުކުރީ އެވަގުތު އެންމެ މަސްލަހަތު ހުރި ގޮތަކީ ހައްޔަރުނުކުރުންކަމަށް ފެންނާތީ ކަމަށް ފުލުހުން ބުނެއެވެ. ނަމަވެސް ތަހުގީގަށް ބޭނުން ވެއްޖެ ހާލަތެއްގައި ކޯޓު އަމުރެއްގެ ދަށުން ނާޒިމް ހައްޔަރު ކުރުމަށް ފަސް ނުޖެހޭނެކަމަށް ވެސް ފުލުހުން ބުނެއެވެ.
ސިފައިންގެ މީހެއް ނަމަވެސް އަމިއްލަ ގޭގައި ހަތިޔާރު ބެހެއްޓުމުގެ ހުއްދަދީފައިވާކަން އެނގިފައިނުވާ ކަމަށާއި ޑިފެންސް މިނިސްޓަރުވެގެން ހަތިޔާރު ދޭންޖެހޭނެ އެއްވެސް ހަމައެއް މިހާތަނަށް ގާނޫނަކުން ގަވާއިދަކުން ފެނިފައިނުވާކަމަށް ފުލުހުން ބުނެއެވެ.
ކިޔުންތެރިންގެ ހިޔާލު