ސަރުކާރާ ދެކޮޅަށް ނުކުންނަށްޖެހުނީ "މިންގަނޑުން ބޭރުވާ ވަރަށް" ގާނޫނާ ހިލާފު އަމަލުތައް ހިންގަން ފެށުމުން: ގާސިމް
29 ޖެނުއަރީ 2015 14:35
ސަރުކާރާ ދެކޮޅަށް ނުކުންނަށްޖެހުނީ "މިންގަނޑުން ބޭރުވާ ވަރަށް" ގާނޫނާ ހިލާފު އަމަލުތައް ހިންގަން ފެށުމުން ކަމަށް ޖުމްހޫރީ ޕާޓީގެ ލީޑަރު ގާސިމް އިބްރާހިމް ވިދާޅުވެއްޖެއެވެ.
ޖުމްހޫރީ ޕާޓީގެ އޮފީހުގައި މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަ ދައްކަވަމުން ގާސިމް ވިދާޅުވީ، ރައީސް ޔަމީނަށް ވެރިކަމަށް ވަޑައިގަނެވިފައިވަނީ އެމަނިކުފާނު ނުކުމެވަޑައިގެން ރައްތިތުން ގާތުގައި އެތައް އާދޭހެއް ދަންނަވައިގެންކަމަށެވެ.
ގާސިމް ވިދާޅުވީ ރައީސް ޔާމީނަށް ރިޔާސީ އިންތިހާބުގެ ރުފަތަމަ ބުރުން ލިބުނީ 28 ވަރަކަށް ޕަސަންޓުކަމަށެވެ. އަދި ބާކީހުރި ވޯޓަކީ އެމަނިކުފާނު ޔާމީނަށް ހޯދައިދެއްވި ވޯޓުކަމަށެވެ.
ސަރުކާރާއިއެކު ކޯލިޝަނުގައި އޮތް އިރުވެސް އަދި މިހާރު ވެސް ޖޭޕީން ގެންދަނީ އެމްޑީޕީއާ ގުޅިގެން ސަރުކާޒު ޒިންމާދާރު ކުރުމުގެ މަސައްކަތް ކުރަމުން ކަމަށް ވެސް ވިދާޅުވިއެވެ.
ޕީޕީއެމާ ޖުމްހޫރީ ޕާޓީގެ މަޖިލިސް ދެ މެމްބަރަކު ގުޅެން އުޅޭކަމަށް އެ ޕަޓީން ފަތުރާފައިވާ ވާހަކަތައް ވެސް ގާސިމް މިއަދު ވަނީ ދޮގު ކުރައްވާފައެވެ. އޭނާ ވިދާޅުވީ ޖުމްހޫ ޕާޓީގައި ތިބި މިޖިލީހުގެ 12 މެމްބަރުން ޕީޕީއެމާ ނުގުޅޭނެކަމުގެ ޔަގީންކަން އެބައޮތްކަމަށެވެ. އޭގެ ބަދަލުގައި ޕީޕީއެމުން ޖުމްހޫރީ ޕާޓީއާ މެމްބަރުން ގުޅުމަކީ އެކަށީގެންވާކަމެއް ކަމަށެވެ،
އެއީ މިރޭ ބާއްވަން އުޅޭ ޖަލްސާ އަށް މީހުން އެއްކުރަން ކުރާ ކަމެއް. އަޅުގަނޑުމެން ޖުމްހޫރީ ޕާޓީއަކުން އަޅުގަނޑަށް ކަށަވަރުކުރެވޭ ގޮތުގައި އެއްވެސް މެމްބަރަކު ހަމަ ގައިމު ވެސް ޕީޕީއެމަށް ސޮއިކުރާކަށް ނެތް، ޕާލިމެންޓް މެމްބަރެެއް،" ގާސިމް ވިދާޅުވިއެވެ.
ކިޔުންތެރިންގެ ހިޔާލު