ދިރާގުން ވެސް މޯބައި ޑިވައިސްތަކުން ޓީވީ ބެލޭ އިންތިޒާމު ހަމަޖައްސައިފި

ދިވެހިރާއްޖޭގެ ގުޅުން ޕްރައިވެއްޓް ލިމިޓެޓް (ދިރާގު) އިން ވެސް މޯބައިލް ފޯނު ފަދަ ވަސީލަތްތައް މެދުވެރިކޮށް ލައިވްކޮށް ޓީވީ ޗެނަލްތައް ބެލޭނެ އިންތިޒާމު ހަމަޖައްސައިފިއެވެ.

ދިރާގުން މިއަދު ތައާރަފް ކުރި ހިދުމަތުގެ ދަށުން ރާއްޖޭގެ ހަ ޗެނަލެއް ބެލޭނެ އިންތިޒާމު ވަނީ ހަމަޖައްސައިފައެވެ. އެ ހިދުމަތް ހޯއްދެވުމަށް play ޖެއްސެވުމަށްފަހު 404 އަކަށް އެސްއެމްއެސް ކުރުމުން ޔޫސާ ނަމަކާއި ޕާސްވޯޑެއް ލިބޭނެ ކަަމަށް ދިރާގުން ބުނެއެވެ. 

އަންނަ މަހުގެ 28 ވަނަ ދުވަހުގެ ނިޔަލަށް ދިރާގުން ވަނީ އެ ހިދުމަށް ބޭނުންކުރައްވާ ފަރާތަތްތަކަށް އަންނަ މަހުގެ 28 ވަނަ ދުވަހާއި ހަމައަށް ގަޑީރަށް 350 އެމްބީގެ ރޭޓުން ޓީވީ ބެލޭނެ އިންތިޒާމު ހަމަޖައްސައިފައެވެ. ކުރިއަށް އޮތް ތަނުގައި ރާއްޖޭން ބޭރުގެ މަޝްހޫރު ޗެނަލްތައް ވެސް އެ ޕެކޭޖުގެ ދަށުން ބެލޭނެކަމަށް ދިރާގުން ބުނެއެވެ. 

ދިރާގުން 2013 ވަނަ އަހަރު ވަނީ ރިޔާސީ އިންތިހާބުގެ އިތުރުން، އެންމެ ފަހުން ބޭއްވި ވޯލްޑްކަޕްވެސް މޯބައިލް ވަސީލަތްތައް މެދުވެރިކޮށް ބެލޭނެ އިންތިޒާމު ހަމަޖައްސާފައިވެއެވެ.