ކުރީގެ ދެ ރައީސުންނާ ރައީސުލްޖުމްހޫރިއްޔާ ބައްދަލުކުރައްވައިފި
25 ޖެނުއަރީ 2015 16:08
ކުރީގެ ރައީސް މައުމޫނު އަބްދުލްގައްޔޫމާއި، ރައީސް މުހައްމަދު ވަހީދު ހަސަން މަނިކާ ރައީސުލްޖުމްހޫރިއްޔާ ޔާމިން އަބްދުލްގައްޔޫމް ބައްދަލުކުރައްވައިފިއެވެ.
ދެ ރައީސުންނާ ރައީސް ޔާމިން ބައްދަލު ކުރައްވާފައިވަނީ ވަކި ވަކިން ރައީސް އޮފީހުގައެވެ.
ރައީސް އޮފީހުން ބުނީ ރައީސް ވަހީދާއެކު ބޭއްވެވި ބައްދަލުވުމިގައި، "ސަރުކާރުން ގައުމުގެ ތަރައްގީއަށްޓަކައި ގެންގުޅުއްވާ ހަރުދަނާ ސިޔާސަތަށް،" ރައީސް ވަހީދު ތާއީދު ކުރެއްވި ކަމަށެވެ. އަދި ސަރުކާރަށް އެއްބާރުލުން ދެއްވާނެކަމުގެ ޔަގީންކަށް ރައީސް ވަހީދު ދެއްވާފައިވާކަމަށެވެ.
ރައީސް މައުމޫނު އަދި ޕީޕީއެމްގެ ޒައީމް އާއި އެކު ބޭއްވެވި ބައްދަލުވުމުގައި، ސަރުކާރުން ރައްޔިތުންނަށް ފޯރުކޮށްދޭން ބޭނުންވާ ހިދުމަތްތައް ފޯރުކޮށްދިނުމުގައި ޕީޕީއެމުން ދޭން ޖެހޭ އެއްބާރުލުން ފުރިހަމަ އަށް ދެއްވާނެ ކަމުގެ ޔަގީންކަން އެމަނިކުފާނު ދެއްވާފައިވާކަމަށް ރައީސް އޮފީހުން ހާމަކުރެއެވެ.
ގައުމުގެ ސިޔާސީ މަޝްރަހާ ގުޅޭގޮތުން ދެ ރައީސުންނާއި ވެސް ރައީސް ޔާމިން މަޝްވަރާ ކުރައްވާފައިވާކަމަށް ރައީސް އޮފީހުން ބުނެއެވެ.
ކިޔުންތެރިންގެ ހިޔާލު